أســئله محرجـه للنسـاء ..

**FoFo Dj** · 14-10-2007, 09:33 PM

اسعـد الله اوقاتكم بكل خير ..

وحيآآآكمـ الله ...

نــبدأ بالاســئله ..

س1 / لو كان زوجكِ اجمل منكِ ماهو شعورك ؟؟

س2 / لو كانت شغالتكِ اجمل منكِ كيف تتصرفين ؟؟

س3 / هل لكِ الحق في الاطلاع على رسائل جوال زوجكِ وكيف لو رفض ؟؟

س4 / لو صارحك ِ زوجك ِ بأنه يريد أن يتزوج من إمرأة آخرى ماذا ستفعلين ؟؟

س5 / لو كنتِ موظفه وطلب منكِ زوجكِ هذا الراتب ؟؟

"

"

اســئله صريحه ومحرجه بنفس الوقت .. تحتآآج الى جراءه ....

وأتمنــى تكون الاجآبآت << منطقيه وصريحه ..

ورجآآء من الأخوات ما ابغى أي وحدة تقول ..

أنا ما عندي شغاله أو أنا ماني متزوجه ومدري ايش ...تخيلو وجآآآوبو

**mr.her0o0o0** · 14-10-2007, 10:33 PM

ننقله للعام عشان يصير تفاعل

**HADEL** · 14-10-2007, 11:56 PM

س1 / لو كان زوجكِ اجمل منكِ ماهو شعورك ؟؟
عادي ما بزعجني هـ الشي بالعكس بيفرحني .. وكمان الجمال مش هو اساس ونجاح العلاقه الزوجيه بكفي يكون في تفاهم واحترام وحب متبادل

س2 / لو كانت شغالتكِ اجمل منكِ كيف تتصرفين ؟؟

بطردهااا

س3 / هل لكِ الحق في الاطلاع على رسائل جوال زوجكِ وكيف لو رفض ؟؟
اي اكيد متل ما له الحق انه يطلع على رسائل جوالي كمان الي الحق
ودام هو ماشي صح وما بيلعب بذيله اكيد ما راح يرفض عشان ما في شي يخاف اني اشوفه

س4 / لو صارحك ِ زوجك ِ بأنه يريد أن يتزوج من إمرأة آخرى ماذا ستفعلين ؟؟
اذا بكون مُصِر يتزوج غيري ما في حل غير انه يطلقني
اذا بتهون علي العشره وبيتزوج علي ما عاد بدي اياه

اسئله ممتعه

يعطيك العافيه النمر الضائع
اسفه عـ الاطاله
وتقبل مروري

**الحور** · 15-10-2007, 01:13 AM

هلا اخــويــه ..

نــبدأ بالاســئله ..

و بــبـدا بـالأجـوبــه ..

س1 / لو كان زوجكِ اجمل منكِ ماهو شعورك ؟؟

عـادي .. بـســتانـس ..

س2 / لو كانت شغالتكِ اجمل منكِ كيف تتصرفين ؟؟

أمممم .. إذا أجـمـل مني .. و شـغـوله .. عـادي

س3 / هل لكِ الحق في الاطلاع على رسائل جوال زوجكِ وكيف لو رفض ؟؟

مـا أدري .. بس أتـوقـّع لي الحق .. و إذا رفـض بـفـكر يـمكن عـنـده نـكـت أو شي مـال سـوالف الشباب عـسب جي مـا يريـدنـي أهـبش جـواله ..

س4 / لو صارحك ِ زوجك ِ بأنه يريد أن يتزوج من إمرأة آخرى ماذا ستفعلين ؟؟

س5 / لو كنتِ موظفه وطلب منكِ زوجكِ هذا الراتب ؟؟

لـيش .. ويـن راتـبـه ؟!!

إذا فـعــلا مـحـتـاج .. بـعـطـيه الـراتب .. و بـاخـذ مـصروفي ..

يـعـطـيــك الـعـافـيه اخـويـه ..

**آهات الصمت** · 15-10-2007, 05:03 AM

س1 / لو كان زوجكِ اجمل منكِ ماهو شعورك ؟؟
ماراح اوافق عليه من الاول

س2 / لو كانت شغالتكِ اجمل منكِ كيف تتصرفين ؟؟

على اول طيارة رايحه لبلدها

س3 / هل لكِ الحق في الاطلاع على رسائل جوال زوجكِ وكيف لو رفض ؟؟
انا اشوف انه هذي حرية شخصية ومو من حقي اشوف جواله اذا هو مايبغى
فانا احترم رأيه

س4 / لو صارحك ِ زوجك ِ بأنه يريد أن يتزوج من إمرأة آخرى ماذا ستفعلين ؟؟
بصراحه انا راح احاول اعيش معاه ((اذا كنت احبه وماقدر اعيش بدونه))
واذا ماقدرت اتاقلم مع الوضع وحسيت ان غيرتي ممكن تقلب حياته لجحيم
فانا راح الملم جروحي وانسحب من حياته بكل هدوء..
اما اذا كان بيننا اطفال ففكرة الطلاق مستحيييييييييييييل تجي في بالي لان اولادي اهم من كل شي

س5 / لو كنتِ موظفه وطلب منكِ زوجكِ هذا الراتب ؟؟
عادي ممكن اعطيه بس اهم شي اخذ لي مصروف او ممكن اعطيه نص الراتب
والحياة لازم نتعاون فيها اقل شي عشان مستقبلنا ومستقبل اولادنا

تقبل تحياتي

آهات الصمت

**روحي بروحك** · 15-10-2007, 08:29 AM

س1 / لو كان زوجكِ اجمل منكِ ماهو شعورك ؟؟
ان الله جميل يحب الجمال .. ماهي مشكله على العكس
س2 / لو كانت شغالتكِ اجمل منكِ كيف تتصرفين ؟؟
أساس انا ما احبهم وماراح احتاج لها ان شاء الله

س3 / هل لكِ الحق في الاطلاع على رسائل جوال زوجكِ وكيف لو رفض ؟؟

هذي حريه شخصية

س4 / لو صارحك ِ زوجك ِ بأنه يريد أن يتزوج من إمرأة آخرى ماذا ستفعلين ؟؟

على العكس ماراح ارفض ممكن اكون مقصره في حاجه
أنا ما أقدر عليها

س5 / لو كنتِ موظفه وطلب منكِ زوجكِ هذا الراتب ؟؟
على حسب ممكن مره ومرتين يفداه
بس اذا على طول خير ان شاء الله

وشكرا على الاسئله نمرو

**mr.her0o0o0** · 15-10-2007, 09:15 AM

بالله وش رايك فيني الموضوع صار فيه حماس

رجاء اللي يبي يشكر نمر يشكرني انا بعد لاني جبت الموضوع لعندكم هع