╝╔مشوار البر ( لايفوتكم )╝╔

**rEeN** · 14-03-2008, 07:02 AM

بسم الله الرحمن الرحيم

::
::
::

╝╔مشوار البر ╝╔

::
::
::

للأسف خلص الشتا بسرعة وجانا الصيف

كانو يقولون هالسنة بيجينا برد وبرد

اجانا كم يوم وراح

بس يلا اهم شي استغلينا البرد وحسينا فية

ومثل ما انتو عارفين ,,, احلى شي بالشتى هو التخيمم والبر

وهالموضوع فية مخيمنا العائلي

الي قضينا فيه احلى الأوقات

واتمنى انكن تستمتعو بهالرحلة الي باخذكم فيها لمخيمنا

::
::
::

نبدأ

جهزت نفسي انا وفتون اختي ( دمعة غرور ) اعتقد اكثركم يعرفها
كانت قبل تشارك معنا بالمنتدى بس هالفترة ما تدخل تشارك السودة

المهم

كنا نروح ونبات هناك انا وخواتي و ريايلهم وكان من ضمن الموجودين
اخوي وعيال عموماتي ( جمع عماتي وعماتي

) المجانين

شلة المجانين

والوجة المشفر ما بقول هو من يكون

كانو يقضون الليل سهر وجنون واحنا بس نتطمش ( وانا اصور., )

ولما تغرب الشمس نجهز الحطب والنار وشبيييي يا حريجة

مافيهم صبر لين يجي الظلام

::
::

وليلة من ليالي البر القارص خلص علينا الكاز

بس الشطار لازم يتصرفو او انهم ياخذو بترول من السيارة

او من مولد الكهربا مثل ما انتو شايفين في هالصورة

ومن الحركات الجنونية الي يسونها

يلبسون عباية ويدخلون الخيمة يدورون على اي واحد نايم ويخرعونة

يسون لة فلم رعب

مسكين اخوي محمود هذاك اليوم سوو له فلم رعب وازعجوة من نومتة

بس هالأزعاج يهون يم ازعاج بوكس

الله يسلمكم بوكس هذا جلب

ولد عمتي جايبة معة يقول ما يقدر يفارقة

وحتى النوم ينيمة معة

عاد تخيلو كيف الكل نايم والجلب بوكس يتنطط من الصبح قوفهم

الي يعطي شوتة ( رفسة) ويطيرة عند باب المخيم

والي يشلة ويرمية فوق الثاني

بس اهم شي انهم ماجابوة في خيمتنا احنا البنات

محد فينا يحبة غير فتون فديتها رحومة تحب الحيوانات دايم تحملة فوق ضهرها

تقولون امه

المهم خلنا من سالفة فتون ويا ولدها

نرجع نكمل السالفة والصور

::
::

احلى شي لما يجي وقت الأكل

كل شي يسونة الشباب,,, خدمة ممتازة

وهذي بعض الأطباق الي كانو يسويها

هذول نسميهم قباقب ( قبقب) بس مدري وش تسمونهم انتو
لما سألت قالو لي انكم تسمونهم سلطان او جلمبو ومدري التسمية عدل ولا لاء

وهنا السادة الجلامبو بعد الأكل المبرح

انا ما احب آكلة ولا احب ريحتة

وما كنت جالسة وياهم لما اكلوهم والحقيقة انا شاكة انا بوكس شاركهم بالأكل

نتفوهم تنتف ماخلو فيهم روح ولا جسد

واحلى شي اللحم المشوي

يمي يمي

طبق اللحم المشوي مع الجرجير ومدري شنهو بعد.,

اما بالنسبة لوجبة المساء فهي احلى شي

الشمندر الأحمر مع الموز

كل واحد لة مورة وصحن شمندر

::
::
::

يتبعـ ,,,,

**rEeN** · 14-03-2008, 07:03 AM

فاصل اعلاني

::
::

استمتع بأفضل الوجبات في البر

مع

مطابخ دار العرب للرحلات البرية

والشيف المكتفي

::
::

حقوق النشر محفوظة لموضوع
万 مــ خ ــيم دار الــ ع ــــرب 万

::
::

**rEeN** · 14-03-2008, 07:05 AM

عدنا
::
::

بعد انتهاء وقت الطعام والبلع يجي دوووووووور السهر عند شبت النااار

يا سلالالالالالالالالام لما نجلس جنب النار ونمد رجولنا حق الدفا

احلى شيييييي

تعريف شخصيات اصحاب الأرجل

1- رجول عمي فديييييتة ,,,, هو اصغر عمامي مدري عمومي ولأنه عمرة مقارب لعمري
فأعتبرة مثل صديقي واخوي ,,,,
وهو دايم الي يسوي لنا هالرحلات الحلوة

2- رجول دمعة غرور (فتون) اختي <<< هالبنت مو بس ترز وحها بكل مكان ,, حتى رجلها بعد

3- رجول اخوي محمود

4- عساقيل خلود ولد عمتي

قايد الريم ( او سوري اقصد المهم )

مر الوق واحنا سهرانين

وطبعآ رقاصة المخيم ما وقفت عن الرقص

اقصد صديق الفيلة حمود ولد عمتي

هذا الي تشوفونة على يسار الصورة

الي بانطلونة نازل

مسكين كل ما يرقص ينزل بانطلونة

والشباب فرحانين علية ويصفقون لة وهو ,,, هززز يا وسط

وبعدها يجي دور الخدمة الملكية

اخوي يجلس والعيال يمسجون رجلة وانواع التدليك

وبعدها تطلع علينا شمس الصبااااح

ويجي دور التمثيل والعبط والجنوووون والحفلات التنكرية

وهذي بعض الصور الي التقطتها كامرتي لشلة المجانين

ام خماس على غفلة

بلا فضول ولاحد فيكم يسأل عن الوجة المشفرة

::
::
::

لا تعليق

الصورة تتكلم

شفرت وجوهم لأنه وضع الصورة ما يسمح بعرض الوجوه

فدييييييييتة صديق الفيلة

لو تدرون وش صار لة مسكين

كان يرقص ويرقص يرقص

وطربان ع الأخر

وركب على الخشبة الي عند شبة النار

وانتو شوفو هالصور الثلاث وبتعرفو وش صار لة

(1)

(2)

(3)

مسكين كسر خاطري

الخشبة ما تحملت وزنة

لا يغركم حجمة تراه بزر حتى قام يبجي لما طاح وما سكت الا بعد ما حصل جرعة حنان

الحين صار اوكي وفرفش ورجع للرقص والنقزة

حياكم شوفو الرقص الخطير على اغنية ( ام شامة )

::
::

http://file7.9q9q.net/Download/29545...--002.mp4.html

::
::

اقولكم يموووت في الرقص

الشباب يلعبون وهو يرقص

ياخي روح العب معهم وخف وزن شوي وارحم حالك

حتى لاحظو الصورة الكل يلعب وهو لحالة يرقص

وهذا حمود ولد عمتي يوقع اسمي ع الكرسي

وعند وصول الساعة الثامنة صباحآ النوم وصل الف براسهم والكل راح نام

و وصاختهم وعفستهم تصير على راسنا احنا البنات في التنضيف

اقولكم هذاك اليوم تعبنا حيييييييييل انا ودمعووو اختي وبنات عمتي

حتى مكان شب النار ننضفه

حتى شوفو صورتي انا ويا فتون اختي

ملامح التعب باينة على وجوهنا المشفره

::
::

وما يجي الليل حق السهره الثانية الا المكان نضييييييف وش حلاتة

::
::
::

حبايبي انتهى مشوار البر واتمنى انكم استمتعتم وياي

وانتظورني في مشوار الأسبوع مع اخوي قمر والفهد

تحياتي

**دكتور الغرام** · 14-03-2008, 07:41 AM

والله وناسه
شو هالرحله العجيبه

**آميرهـ بآخلاقي** · 14-03-2008, 07:48 AM

يسلمو ريوونه عالمشوار ،،
بس ودي اعرف مين اللي وجيههم مشفرهـ،،

بس انا لا تعلمين احد ثاني ،،

**rEeN** · 14-03-2008, 07:49 AM

اقتباس:

المشاركة الأصلية كتبت بواسطة عادل ال علي

والله وناسه
شو هالرحله العجيبه

عادلووووو

ثلاث ساعات اضبط الموضوع علشان ترد بثلاث كلمات

::
::

منور عزيزي

.,