السلام عليكم ورحمة الله وبركاته

أنا الأريحي وهالزمن حريه **** ونفسي الأريحيه تريد كيفيه

نفسي تميل للونسات واللذات **** واتود الجميل وتعشق الكشتات

واتحب الفرح واتوق للنزهات ****وأشعار الغزل بأوزان فنيه

وتريد الفراهه وكل لطيف تريد **** وتحب الحلو من كل فتى وكل غيد

وأصوات الرخيمه التحسن التغريد **** بلحان العراقيه والسوريه

وأتحب الرياض الزاهيه الخضره **** وأتود المياه الجاريه النضره

في وسط الانهار ابحافها خضره **** وأشكال الورد طيبه وعطريه

وأتحب الربيع التلمع خدوده **** في فصل الربيع التزهر وروده

في شهر الربيع الخالدده سعوده **** نعم هذي الحياه الروحها حيه

في يوم طلعت رايح الى البستان *** أستنشق هوى البروهوى الريحان

آخذ هوى شرقي وأنظر الرعيان *** بس هذي الفتاه تقول حوريه

بس هذي الفتاه شلون تتبختر *** من تمشي ولطيفه شلون تتكسر

تدهش من بعيد بطيبها العنبر *** مطربها دوي الخلخال لبنيه

مطربها اللباس التزهي الوانه *** الناظر لو يوصف يعجز لسانه

هذا الشكل والله يدري بثمانه *** هذا الظهر غير انواع مخفيه

ابها الدهشه من الملبوس والصوره *** وقفت لي بدربي تشبه الصوره

ما أدري بنفسي تصير محصوره *** أو تندهش والا تروح دفعيه

قلت إلها درب قالت على عيني *** قلت إلها دوخري لا تمنعيني

قالت بالحماسه لا تحاجيني *** حسن الخلق والآداب مبغيه

قلت إلها جنابج مني اشتردين *** قالت وين رايح قلت لبساتين

أتفرج على اشجار العنب والتين *** والخوخ وعلى ازهار ورديه

قالت لي اني البستان وأشجاره *** قلت احجي الصدق قالت واثماره

والروض البديع التزهي ازهاره *** قول إشما تريده حاظر اهنيه

قلت إلها ورد قالت ورد خدي *** قلت رمان قالت هاك ضم نهدي

قلت تفاح قالت هم بعد عندي ***ل الي تذكره عندي وبيه

قلت إلها عطر قالت من أزياقي *** قلت إلها شهد قالت من ارياقي

قلت إلها انس قالت من أخلاقي ***وكسرتاي والفاظي الغنجيه

قلت إلها عقيق تقولي اشفاتي *** قلت إلها درر قالت ثنياتي

قلت إلها غزل قالت من أبياتي *** نغم داوود لابسته وأبو ذيه

قلت إلها إنتي فتنه تقول حسبالك *** لو تسمع أوصافي اشجرى بحالك

قلت شلون قالت اسكت اشوى لك *** لازم قلت وقالت ابتدي ليه

قلت إلها الجعد قالت ظلام الليل *** قلت إلها الجبين تقول نجم سهيل

قلت الحاجب تقولي شبيه النيل *** نونين بقلم قدره إلاهيه

قلت الزلف قالت للورد ينطر *** والقصايب تقولي بيها اتعثر

قلت الفرق قالت دوم يتعطر *** من أطيب عطر كل يوم رسميه

قلت العين قالت خاف تقربها *** قلت شلون قالت دان تضربها

قلت مكحله قالت كحل ربها *** تذبح من تصد بلحاظ سحريه

قلت إلها الخشم قالت لي سيف انسل *** والخد قلت قالت ورد ما يذبل

قلت الخال قالت بالنظر يقتل *** عنبر مسك عود أنواع نديه

قلت الحلق قالت خاتم سليمان *** قلت اشفاتج تقولي شبه عقيان

وسنونج تقولي بيض حب رمان *** منظومات نظم الدرر بحريه

قلت الريق قالت يشفي المجهود *** قلت الحنج قالت بيه نقش مرصود

قلت الها الجيد تقول بيه عقود ***لولو منظم بمليون ربيه

قلت الايد قالت نقش بيها سطور *** قلت إلها الزند قالت شبه بللور

قلت إلها وبعد قالت يشع بالنور *** مينه وربطه وساعه سويسريه

قلت إلها الصدر قالت شبه بستان *** قلت اشفيه بعد قالت سور قرآن

قلت اقري لي قالت اقرى بالرحمن *** شوف شلون توصف لك الحوريه

قلت النهد قالت يشبه الفنجان *** قلت إلها وبعد قالت مثل رمان

قلت إلها البطن قالت صرح سلطان *** صرح إلي دهش بلقيس بالجيه

قلت إلها السر تقول طالع شوف *** قلت شلون قالت كعبه بيها تطوف

قلت إلها أخاف تقول ماكو خوف *** آمن هالبلد بس إلك حريه

قلت الخصر قالت كلش منحل *** قلت الردف قالت منه أتوحل

قلت الفخد قالت عاد بس اخجل *** لا تغزر ترى للوصف ما بيه

قلت الساق قالت شعر ماكو بيه *** قلت اشفيه قالت حجل حاشر فيه

قلت القدم قالت حنه ما اخفيه *** عشر أليال عشر أطراق ليليه

قلت الطول قالت نبعة الريحان ***قلت إلها المشي قالت مشي الغزلان

قلت اللعب قالت لعبة السودان *** ولو أرقص لك أرقص رقص مصريه

قلت إلها الذكا قالت ذكا بلقيس *** قلت إلها الفصاحه تقول قس وقيس

قلت إلها السخا قالت بحاتم قيس *** عنتر بالشجاعه وغيره عربيه

قلت إلها النسب قالت نسل يوسف *** قلت إلها الجمال تقول ما يوصف

قلت إلها الملاحه تقول إلك أحلف *** وراسك مثلي ما تحصل مناميه

قلت إلها على وصفج نعت حور جنان ***وهربتي من الجنه وعن رضوان

لن ضحكة وقالت لي اشكثر غلطان *** مو آني من الحور آني انسيه

قلت إلها الخلاصه تقول امشي اوياي ** قلت إلها حرام تقول سهله هاي

أعقد بالرضى مني وأخذ يمناي *** قلت فلوس ماكو تقول وهبيه

قلت شلون قالت بيك مجبوره *** قلت إلويش قالت وآني معذوره

قلي اشعايفه ملا وحسن صوره *** وأشوفك أريحي وآداب مرضيه

قلت اليوم؟ قالت أي بأمكانك ***قلت إلها أصبري قالت من أحسانك

بوجاهة جمالي وبعلو شآنك *** جود بوصلك ولا تبخل إعليه

قلت افراش ماكو تقول اخذ جعدي *** قلت الحاف قالت هاك اخذ فخدي

قلت وساد قالت لي إلك زندي *** والثاني يضمك للصدر ليه

مفتونه قلت قالت لي مفتونه *** مرهونه تقلي ليك مرهونه

مجنونه تقلي وياك مجنونه *** قيس إنته وانا ليلى العمريه

خذ مني الرضا وأقرار بلساني *** قول إقبلت ليش تصير متواني

قلت إقبلت قالت وإقبلت آني *** وبس صار الرضا وانعقدت النيه

مدت إيها وللصدر ضمتني *** تتغنج وعالخدين باستني

واقطف بالورد والخوخ خلتني *** وصار الصار هذي حروف سريه

وياها صرت في حالة أعجوبه *** قالت لي تحبني قلت محبوبه

قالت تحب غيري بعد هالنوبه *** قلت إلها نعم وشلون حب بيه

قالت من تحب ما كانت العاده *** محبوبين للي يحب بفاده

قلت إلها علي الكرار وأولاده *** أحبهم دوم ما طول النفس ليه

ساداتي وهم فخري وهم ذخري ** ذخري في حياتي وموتي وحشري

على حبهم اموت وينتهي ذكري *** وكل أطيب سلامي على الذريه


أرجو أن ينال إعجابكم هذا البوح وإن القى التشجع والا سوف يكون اخر ما اكتب والمعذره لانني تفاجئت ردودكم لما هو منقول أكثر من ردودكم لأصحاب الاقلام المبتدئه وفي حاجه لتشجيعكم

دمتم بخير ... الحبـــــــــــــر الجــــــــــــــــــاف

ربي يسلمج ولا يهينج ما عليج زود شاكر لج التواصل الجميل

دمتي بود

قصيده ولا احلى وجهد رائع ومشكور اخوى0000

هلا وغلا الحربي منورني بتواجدك لا عدمت منك هالمرور الطيب

دمت بخير

الله يعطيك العافية

مشكوووووور وماقصرت

قصيده ولا احلى