من عقب ريمه مالي اليوم مصلوح

**البرق الشمالي** · 27-03-2008, 02:22 PM

خلاص ابرحل واترك الدار وأروح
--------- معاد أبي دار"ن" ضنيني جفاها

بخاوي القمرأ مع سهيل وانوح
--------- وبمشي على الرمضاء أدور ثراها

من عقب ريمه مالي اليوم مصلوح
--------- من عقب ريمه داري الحزن جاها

لاتشرهون ان شفتو الصوت مبحوح
-------- أعوي كما ذيبِ "ن" عوى من غلاهــــا

وأغلي كما قدرِ "ن" على النار مفيوح
-------- ماعاد أبي دنياَ تزايد عنـــاهـــــــا

وبمشي مع العربان واصيح وأبوح
------- واقول أنا ريمـــه غدت من لقاهـــــــا

وبقطع الضلعان وأقدم الروح
------ للي يخبرني عن ديارَ "ن" لفاهـــا

وبخاوي العتبان وأقول مجـــروح
-------- وبمشي مع شـمـر أدور اخطاهـــا

قالوا توصف قلت زيناَ ومملوح
--------- مثل المها في زينها في حلاهـــا

مثل القمر يفرق على النجم بوضوح
----------- سبحان ربِ "ن" فارقِ "ن" في عطاهــا

قولوا لها خلك ترى اليوم مطروح
---------- قولوا لها ترحم خليلِ "ن" بكاهــــــــا

قولوا لها خلك مع الناس مفضوح
---------- كلن عرف عن علته وش بلاهـــــا

وياما رجيت الذيب بصرار والحوح
--------- أخاف ياكلني قبل عينـــــــي تراهـــــا

تذكري يومن كتبتي على اللــــــــوح
----------- ياجعل روحي دون روحك فداهـــا

تذكري يومك تقولين مصفوح
------------ الا عيونك ماتحمل بطـــاهــــــا

تكفين عودي وقولي اليوم مسموح
--------- تكفي عيوني جفت اليوم ماهـــا

وإن مارجعت خلوني اليوم مذبوح
----------- يكفيني إني ميتِ "ن" في هواها

وســـلامتكــــم

**لاملاكـ ولابشر** · 27-03-2008, 02:53 PM

صح لسآآآنكـ وسلمت لنا أنآآملكـ ...
التي دائما تتحفنا باروع وارق الكلمات...
كل الشكر والتقدير على هذا المجهووود...
دمت بخير...

**هوق هوقن** · 27-03-2008, 02:57 PM

وإن مارجعت خلوني اليوم مذبوح
----------- يكفيني إني ميتِ "ن" في هواها

صح لسانك

**Mi!iMoOo** · 28-03-2008, 02:11 AM

من عقب ريمه مالي اليوم مصلوح
--------- من عقب ريمه داري الحزن جاها

احلى مقطع >>واااااااااااااااااااااااااي وناسه

خخخخخخخخ

تسلم والله على ابداعكواصلنا بجديدك

**البرق الشمالي** · 28-03-2008, 03:26 AM

أهلين وسهلين / لاملاكـ ولابشر
صح بدنك

أشكرك ع الحضور الدائم
الله لايحرمنا من تواجدك يارب

إحترامي وتقديري,,,,

**البرق الشمالي** · 28-03-2008, 03:27 AM

أهلين وسهلين / هوق هوقن

صح بدنك
أشكرك ع المرور الرائع
الله لايحرمنا من تواجدك يارب

إحترامي وتقديري,,,,

**البرق الشمالي** · 28-03-2008, 03:31 AM

أهلين وسهلين / ريوووومه
أشكرك ع المرور الرائع
الله لايحرمنا من تواجدك يارب

إحترامي وتقديري,,,,

**روحـي تحبكـ** · 28-03-2008, 06:25 PM

صـح لسـانك وعلا شـانك

ابيات بمنتهى الجمال اخوي

و لاعدمناك يارب