هذه قصيده غزليه اتمنى ان تعجبكم
صاح الغرير وهلت الدمع عينه
وكلن ركض يشوف وش الذي فيه

تجمعوا حوله هله ماسكينه
احدن يمش الدمع واحدن يواسيه

واحدن نشد وين الذي ضاربينه
وناس تشيله للمداوي يداويه

البزر كل اللي شكى عارفينه
والناس تركض له تخمه وتخطيه

وانا عجزت اشرح جروح دفينه
من خوفتي يظهر وتعرف مواريه

على الذي روحي لبعده حزينه
مغير طيفه في خيالي يسليه

عامين ماشفته تقافت سنينه
واخاف لانشد عنه في الناس واسميه

اخاف لايسمع حدى والدينه
ولاقريب له يضره ويوذيه

وعقب السنين اللي تقافت لعينه
لمتني القدره بمن كنت راجيه

قلت السلام ومد اصابع يمينه
وسلهم بنجلن فيهن الموت مخفيه

وحال الشرف والدين بيني وبينه
ماقلت شي ولانطق بين اشافيه

اقفيت واقفت به دلول حسينه
وعفافه اللي من هل العيب حاميه

الله لايقطع رجا مرتجينه
رجاه في وفيه رجواي واغليه

وسلامتكم

وانا عجزت اشرح جروح دفينه
من خوفتي يظهر وتعرف مواريه

على الذي روحي لبعده حزينه
مغير طيفه في خيالي يسليه

اقفيت واقفت به دلول حسينه
وعفافه اللي من هل العيب حاميه

الله لايقطع رجا مرتجينه
رجاه في وفيه رجواي واغليه



يعطيك العافيه ابو خالد على الطرح


ولاتحرمنا من جديدك


تحياتي لك

يسلموووووووووو ابن العصيمي على القصيده

الله يسلمك على الرد مشكوره
نورتي صفحتي تحياتي العصيمي