درس اليووووووووووووووووووم

**abu hana** · 15-05-2008, 11:40 AM

يالله ياشاطرين طلعوا كتب ودفاتر النحو عندنا اليوم درس جديد ومهم عن

أدوات الإستفهام ومواضع استخدامها مع الشرح بالأمثلة

ليـــه
ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة
صلة الرحم ويتذكرون جداتهم وعماتهم وخالاتهم اللي ماشافوهم ولا
يدرون عنهم من أيام مسلسل (أصابع الزمن) وماهو كذا وبس لا وعمات وخالات أمهم
وأبوهم بعد ويدورونهم ويسلمون عليهم وكل وحدة يحبون راسها عشر
مرات ويطلع السنع ويسألونها عن صحتها وأحوالها وعيالها وولدها فلان القاطع
اللي لا يمر ولا يسلم ومافيه مانع من استرجاع ذكريات طفولتهم الشقية
معها ولو عندهم عمة وإلا خالة من الرضاعة بيدورونها بعد ماراح يقصرون

كيـــف
كيف ممكن أفكر أتزوج إذا كان للحين خبر الزواج ينكتب بهالصيغة العبقرية
احتفل فلان الفلاني بعقد قرانه على كريمة إحدى الأسر ) لاعاد !! بالله عقد)
قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة إحدى
الأسر عشان يعقد قرانه عليها!! جد والله ؟؟إنت متأكد ؟؟ يعني فعلا ودي أسال
اللي يكتب مثل هالخبر في الجرايد وأقوله هل فيه من وجهة نظرك خيار ثاني
غير إنها تكون كريمة إحدى الأسر؟يعني بيعقد قرانه على كريمة إحدى
سلالات الزواحف مثلا؟ وإلا يمكن بيعقد قرانه على كريمة سيد قشطة

متـــى
متى تنتهي ظاهرة زاوية هواة التعارف في المجلات ؟ والحقيقة إن المشكلة
ماهي في رغبتهم في التعارف بحد ذاتها لكن المشكلة الحقيقية إنهم
عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة وإلا الابتسامات الساحرة وإلا النظرات
:الغامضة في الصور والله العظيمإن واحد كاتب عنوانه في مجلة بالشكل هذا
مصر القليوبية مدينة أبو زعبل البلد شارع البلدشارع السوق
!! جوار الزاويةإذا كان هذا عنوان المراسلة أجل عنوان الزيارة وش بيكون

ميـــن
مين ؟؟ سؤال برئ نوجهه لأي أحد يدق جرس البيت لكن عاد الإجابة الأزلية واللي
تصدم براءة سؤالنا في كل مرة هي (افتح) !! لاحظوا الرابط والعلاقة بين
السؤال والجواب (مين؟ -----> افتح!) والحقيقة أنا فكرت كثير وما لقيت إلا تفسير
واحد من إثنين يا إما كلمة مين معناها وش تبي ؟ أو وش المطلوب ؟ وأنا فاهمتها
غلط السنين هذي كلها أو إني فاهمتها صح لكن اللي يدق الجرس دايم يكون
!! (اسمه (افتح

هـــل
هل ممكن يجي يوم من الأيام المستحيلة ويتحقق فيه فلم الخيال
العلمي وتقدر البنت تمشي في الشارع في الرياض بدون ماتسمع كلام من نوع
ياحلوة يادلوعة أول مرة أشوف قمر على الأرض ) وغيرها من الكلام اللي )
يصنف ضمن فئة الغزل المنتهي الصلاحية هل ممكن يجي اليوم الي تمشي فيه
البنت في الشارع بدون مايناظرونها كأنهم شايفين مخلوق فضائي
مجهول حط على كوكب الأرض في ظروف غامضة !! 00

ويـــن
وين ممكن ألقى محل ملابس ما يكون فيه واحد مزعج وملقوف ما يشوفني

ماسكة قطعة ملابس إلا ويباغتني بمفاجأة أغرب من الخيال لا كانت على
!!(البال ولا عالخاطر ولا يمكن يستوعبها أي عقل بشريويقول لي (فيه مقاسات
!! هااااه !! وش قلت ؟؟ فيه مقاسات !! الملابس صار لها مقاسات !! سبحان الله
فعلا تكنولوجيا!! أكيد إنهم هاليابانيين ماخلوا شي ما اخترعوه حتى
الملابس طلعوا لها مقاسات أكيد هذا آخر الدنيا والله إنها
صارت تخوف يالله إن تخرجنا منها مسلمين

خلص درسنا اليوم ياشاطرين
والواجب إنكم تلاقون إجابات للأسئلة

**llJACKll** · 19-05-2008, 03:31 PM

kteeeeeeeer 7aeloo el lesson

bs i have no idea about yours

we will see after 100 years

**ملك العصابات** · 19-05-2008, 04:07 PM

ههههههههه
مالقيت الحل
موضوع جميل جدا
يعطيك العافية
وشكرالك

**efgh142** · 23-05-2008, 07:38 AM

of professional web marketing and advertising services to increase Internet sales. Majon International specializes in Internet Marketing solutions to build WebMetro provides a full suite of internet marketing services including PPC, seo, Shopping Portal feeds, search engine Marketing, ecommerce and consulting services

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري