إعتصبوني بسبب سيكـــل ... قضيه عاصرتها بنفسي ...

**غرآآآآآم** · 16-06-2008, 06:17 PM

السلام عليكم ورحمة الله وبركاته ....
إسمحوا لي ادخل في الموضوع بشكل عامي و سريع يمكن يطول شوي
لكن تحملوا قضاياي <<< قلتها قبل ياكثر قضاياها
المهم
القضيه هذي صارت بالأمس ...
طبعا ً بيت والدي الله يحفظه ما يفضى ليل ولا نهار
الجيران عندنا كأسره واحده تجمعنا علاقتنا فيهم سنوات طويله قبل حتى ولادتنا
يزورنا طفل صغير عمره 7 سنوات
الطفل هذا في الفترهـ الأخير ذبل بشكل ملحوووظ وبدت تظهر عليه حركات غير طبيعه
مثل انه يصدر اصوات توحي كأنه طفل متخلف الله يحميه
من الشهر اللي راح والولد كل ماشافني يقول لي
أنا بجي معاكي وانام عندك
كنت أرحمه أقول له حبيبي مايصير بعدين ماما وبابا يهاوشون
يقول لا عادي مارح يقولون شي
يقول يله بروح بيتنا بجهز ملابسي خوذيني معاكي
اتصل انا بوالدته أقول لها ولدك محتاجك كوني منه قريبه قالت ماعليكي منه
أصلا ماعنده سالفه ودلوع
البارح بالذات فاتحه النت ولا لي خلق نت ابد
وكنت جالسه ويا اخوي
وكان ولد الجيران ( محمد ) جالس يلعب بلاي ستيشن مع أولاد اخواني
وبدأ يصدر منه اصوات غريبه
قلت لأخوي ماتلاحظ يا عدوله ان محمد مو محمد
قال الا اشووفه من اهمال امه وابوه
قلت له لازم اشوف وش سالفته
قال اتركيه الولد خلاص تخلللف عقله
قلت لا مايصير حرام
رحت له
قلت له محمد
قال تشيليني معاكي بيت اخوك صح
حسيت ان الولد خايف من شي او يبي يبعد ويهرب من شي
قلت ياحبيبي بشيلك بس بشرط
قال موافق
قلت وعد
قال وعد
قلت له وش فيك ؟
قال مافيني شي وبدأ يرتعش ويبكي
المشهد هذا كان حاضره ولد اخوي في المتوسط
قلت يا محمد انت وعدتني
مشى وراح بيتهم ...
قال لي ولد اخوي عمتي انا ابيكي بكلمة راس
قلت أووخص ياخلودي كلمة راس بعد شعندك ؟
قال محمد جاني قبل كم يوم
يقول كلام غريب
قلت له وش قال
قال يقول ان ولد الجيران عمره 15 سنه إغتصبه
انا جمدت
انصدمت
قلت له رح بيتهم ناديه
جاني محمد
قلت له خايف مني قال أهابك واحبك
قلت واللي يحب احد يخبي عليه شي
حضني وجلس يبكي .... حسيت لحظتها اني أنا مكانه
مسحت دموعه وقلت له إنت لاتقول شي انا اللي بسألك طيب
قال طيب
قلت له ناصر شالك وين وداك
قال في حوش بيتهم
قلت له وش قال لك
قال لي كلام مقدر أقول له !!!!
قلت له ويوم رفضت وش سوى فيك
قال طقني بقوه
بعدها دخلت معاه في العميق
وشرح لي كيف تمت عملية إغتصابه .. وأنا احسه يطعني بسكاكين في قلبي
طفل صغير ورده ما تفتحت يعرف ويفهم هالكلام كله
الطفل تدهورت نفسيته سنه اولى ابتدائي ورسب بسبب اللي صار له
قال لي محمد يا ... تاخذيني معك ؟
قلت له لاتخاف حبيبي
انا بكلم امك قال موفاضيه انا دايم لحالي
قلت له انت رح العب الحين واترك الباقي علي
قال بس تشيليني معك قلت له بستأذن من والدك بالاول .. قال طيب
كلمت والدته وخبرتها باللي صار لولدها جن جنونها وقالت انا بروح لأم ناصر
قلت لها المسائل اللي مثل هذي ما يحلونها الحريم
يحلونها الرجال بمساعدة الشرطه
قالت ياااربي تدرين المشكله وين خايفه ابوه يدري مارح يخليني أكمل شغلي في المعهد
أنا
قلت لها الحين ولدك مغتصبه ولد الجيران وهذي ردة فعلك
قالت خلاص اذا جت جدته ام ابوه كلميها هي تحن عليه زود ومارح تسكت
تعالي عندنا الحين .. رحت عندهم
ماكملنا كلمات قليله الا تجي جدته سلمت وخبرتها باللي صار
قالت يا ... ترى حنا مانبي مشاكل
قلت انتوا عايله ميؤوس منها
لو هالشي صاير في احد من اخواني وربي لا اقبرهم في مكانهم
هذي جريمه
قالت انتي عارفه ابوه لو درى مارح يخلي امه تكمل شغلها
قلت لها انتوا مانتوا بحاجة ماده الله يلعن الفلوس اللي عرض ولدي ينتهك واسكت عشان وظيفه
قالت خلاص ماعليك في الموضوع قفلي عليه
قلت لها لا لي وعلي
مايرضيني اللي يصير في محمد اليوم محمد الضحيه بكره الدور بيمشي على الكثير ان ماوقف ناصر من
اعتداءاته عليهم
خبرت اخو زوجها عمره 24 قال والله لا اقتله نزل يدور عليه
ورجع مالقاه يوم رجع قالت له امه مالك دخل خليه الوظيفه بتطير على امه
قال دام هذا ردكم انتي وامه أنا خارج الموضوع وجعلهم يغتصبونه كل يوم ماعلي منكم ..
واسمحي لي يا ... أنا طالع
قلت له انا اللي بطلع اتوقع الضرب في الميت حرام
قالت العجوز يا... ترانا نحبك وانا مقدره انك معصبه اهم شي ابوه لايدري
قلت لها عرضكم انتهكووه مو برضاهـ غصب عنه وتقولين تحبيني واني معصبه واسمحي لي ابوه أنا قايله له قايله
قالت بتسببين فتنه
قلت لها يعني انا فتانه ؟
قالت لا بس بعتبرك فتنتي بيننا وبين الجيران اللي عشرتنا معهم قبل
لاتنولدين
طلعت لها لساني وربي غصب عني وقلت لها ايه سميني فتانه
أنا فتاااانه
أهم شي كرامة محمد أردها له
سكتت ولا ردت علي
قلت لعمه وانا بعيده عنهم اعطيني رقم ابوووه قال تراها مغامره منك
قلت جيب ولا تحاتي
اخذت رقمه واتصلت عليه
بعد ماقلت له من انا وبعد ترحيبه قلت له وينك انت قال عند الباب
قلت له لاتدخل قال وش السالفه
قلت له بالموضوع كله وانه ولده شلون تدمر وكان بيتدمر عقله
قال يا ... انا ما اشوووف انتي وش تقولين
قلت له اللي سمعته واذا انت تقول انك رجال زوجتك مالها اي وظيفه
بحريقه الفلوس المهم ولدكم
قال
اتصلي عليها تنزل لي الولد ونزلي ولد اخوك يشهد معاي
قلت صار
راح بالولد القسم
وتكلم محمد وبعد التحقيق العميق معاهـ
إتضح ان اللي اغتصبوهـ اثنين مو واحد
قال الضابط لمحمد ليش تروح عندهم وش تبي منهم
قال ابي منهم سيكل عشان اسوقه
شالوه للطب الشرعي واخذوا ملابسه لتحليلها واخذو بصماته
عقبها اتصل علي ابوه قال ان الضابط يوم سأله عن السبب في انهم يغتصبونه
وقال السيكل حسيت اني انهرت ولدي يغتصبونه عشان سيكل
وانا هامور ما اجيب له يااا.... أنا جبت له اكثر من سيكل لكنه يكسرهم
قلت له انت عارف ان الطفل الذكي هو اللي يكسر العابه عشان يستكشف الشي
قال اوعدك ما اخليها تشتغل واني لا اجيب له اللي يبي
قلت له ياعبدالرحمن ورب البيت الشريف اني مابي اخرب بينكم ولو انك مو فمكانة ابوي
ما اتصلت وخبرتك لكن زوجتك حرام انها تبدي شغلها على ولدها لو ايش مايكون
قال عارف من دون ماتقولين اللي سويتيه عمره ماكان خراب الخراب انهم كانوا بيسكتون ولا يعلموني
شوي ويدق باب بيتنا قالت امي قضيه انتي فتحتيها انتي تنهينها اكيد هذي ام ناصر
قلت اطلع واواجهها ولا علي منها
طلع ولد اخوي خلودي قال خلاص بكره اللي هو الحين بيتم القبض عليهم اثنينهم
بعدها جات العجوز عندنا
واستسمحت مني وقالت انا عرفت اني غلطت واتصلت علي امه وقالت يا ... قلبي محترق على وليدي
قلت لها هاه الحين حسيتي باللي أنا حسيت فيه
بقول لك كلمه انتي وجدة محمد تراكم طحتوا من عيني ماتمنيت ان ردة فعلكم بهالطريقه
قالت العجوز يعني انتي شايله بقلبك علينا
قلت لها ما اعرف اشيل أنا اعتب بس
اتمنى تنتبهون لمحمد واذا ماتبونه جيبوه عندي أنا ارعاهـ واقوم فيه
قالت لا وعد منا لك ننتبه له بس لايكون بخاطرك شي علينا
قلت لها مافي خاطري الا كل حب
بعدها طلعت من بيتنا ورحت على بيت اخوي وقابلت محمد وابوه عند الباب
كان محمد نايم قلت لابوه
ترى ربك أعطاك أمانه ضروري تحافظ عليها
قال ما انسى وقفت معنا
//
هذي القضيه ماخلتني انام
يوم أولاد الجيران يتحولون لوحوش مع اطفال في عمر الزهور
مانقول الدنيا مافيها خير
نقول فينا الخلل تربيتنا لأطفالنا فيها اخطاء كثيره
ناصر تعود ع الرفاهيه والتدليل وان ماحد يقول له لا في حياته ابد وخويه الثاني بعد
والضحيه تكون طفل بريء
تعب وتعبت نفسيته وتدمرت
كنت أسأل نفسي هل أنا اخطأت لكن أرجع واقول تصرفي هو الصحيح
الله يحمينا ويحمي أبناءنا ولانشوف هالمشاهد في فلذات أكبادنا
أتمنى تعطووني آآآراءكم في قضاايا الإغتصاب ...
وآآآآسفه على الإطاله
دمتم بكل الحب ...
غرآآآآآآآآم

**غرآآآآآم** · 16-06-2008, 06:49 PM

تكرر من تعليق المنتدى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري