ياعراق شبيك

**صفاء العراق** · 14-07-2008, 02:46 PM

موقصدي الوطن يعني الوطن بالذات
بعيون البشر هم موطن نشوفك

يا عراق شبيك

ساكت ياوطن والحركَه تاكل بيك
لو خايف أظن والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب كَول الذنب چا وين
يمكن نعتذر لو نفهم ظروفك

چنت المدرسه وبيك الشعب طلاب
وبس دك الجرس شو فارغه صفوفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك أمس اتعيش بطيوفك

من طور الحزن ملينه ما مليت
چاطور الفرح ما تعزف دفوفك

من ريد الفرح بس كون ريدك سيف
موعيب بغمد اتنام اسيوفك

بايكَ ما صرت ما خاف من جلاد
مو هذا شعارك هذا معزوفك

چاشنهو التغير يا عراق شبيك
مو چانت دول ما تنطق حروفك

نعتب ياوطن من حبنه الك والله
شفناكم نهر عطشانه جروفك

ومن نصحك لأن صدكَنه كلنه اخطاء
يا بيت الكرم نبقه احنه ضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور
لو تكَضي العمر بالقيد چفوفك
لو تكَضي العمر بالقيد چفوفك
تحياتي

ألهي , كفى بي عزا أن اكون لك عبدا ,وكفى بي فخرا أن تكون لي ربا

انت كما احب فاجعلني كما تحب

انشاءالله تعجبكم

اللهم احفض العراق و اهله يارب

**سلمان النعيمي** · 14-07-2008, 04:09 PM

عزيزي الغالي ,,, صفاء

لايجوز وضع اكثر من موضوعين في اليوم الواحد حسب قواننين المنتدى

الرجاء مراجعة قوانين المنتدى ,,,

ولهذا انا أسف لغلق المواضيع الزائدة عن المقرر

تحياتي لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري