أغرب قصه زواج

**أحب اللمة** · 14-07-2008, 11:29 PM

هيااااااااااااات

تقول إحداهن عن زميلتها :
هذه البنت عندها أخوات أكبر منها وأصغر منها وهي توها متخرجة من الثانوي، المهم بالبيت ما عندهم خدامة وكل يوم الدور على وحدة من البنات تطبخ وبعدين ترمي الزبالة " أعزكم الله" عند الباب،المهم جا دور هالبنت كانت سهرانة مع خواتها إلين الساعة (2) الصبح وبعدها أخواتها طلعوا ينامون فوق..وهي قعدت تنظف المطبخ وتشطب عليه..وقامت طلعت الزبالة عند الباب...المهم البنت قالت ليش أحطها عند الباب خليني أتشجع وأرميها بالزبالة أحسن...وطلعت بره بالشارع وكان الشارع فاضي مرة وكانت الساعة حوالي ثلاث ونص...المهم يوم جت تطلع ترمي الزبالة،انقفل باب بيتهم وقعدت المسكينة بالشارع...فكرت ترن الجرس خافت أبوها يهاوشها ويسويلها مشكلة ( لأن أباها شديد)..وهي بالشارع ما عليها إلا قميصها حق البيت...المهم سمعت أن فيه صوت يقرب منها..صوت سيارة!!قامت مسكت الزبالة وقلبتها ودخلت داخلها...المهم كان اللي جاي ولد الجيران..كان توه جاي من استراحتهم..المهم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة!!
واستغرب إن الزبالة مقلوبة، قام وقرب من عندها... وجا يرفع الزبالة ويعدلها...
إلا صرخت وقالت: لا. لا. لا.
قال: بسم الله الرحمن الرحيم ... إنتي إنس وإلا جن...
قالت: إنس..
قال: إنتي وش جابك هنا؟؟
وقالت له القصة وهي متغطية بالزبالة وترجت ولد الجيران يساعدها...
قال لها: خلاص لا تخافين.
قام وقرب سيارته من باب البيت ونط وفتح للبنت الباب...
وقال لها: ادخلي بسرعة لا حد يشوفك ...
قامت المسكينة ما صدقت رمت الزبالة... وطلعت كذا قدام ولد جيرانهم..
المهم دخلت وقفلت الباب على طوووووول....
وولد الجيران واقف ما تحرك يناظر فيها..
المهم... ما مر على هالسالفة يومين إلا وجا وخطبها من أبيها وتزوجها..!!.

منقوووووووووول

**شوكولاته** · 15-07-2008, 01:18 AM

يعطيك الف عافيه
حوبي
عالمجهود المميز

لكن للاسف القصه
مكرره

لا تحرمينا من جديدك

تحياتي

شوكو
........

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري