اربع فتيات قتلى في الجامعة الاردنية (مهم و خطير)

**pink star** · 15-07-2008, 06:48 PM

ما بعرف إذا حدى عنده علم بالقصة يلي صارت بالجامعة الأردنية.
رح أحكيلكم عن هالحدث المأساوي يلي صاربالجامعة الأردنية بعمان
تم التكتم على أحداثه من قبل وسائل الإعلام ، ليش ؟؟؟؟ الله أعلم .

تبدأ أحداث القصة ، في غرفة أحد الطلاب الشباب في الجامعة الأردنية،
وكعادته كل مساء يجتمع هو ورفاقه ، لتبدأ السهرة ،
ويعني سهرات هالشباب ما بتختلف عن السهرات
الأعتيادية ، المهم وبنص السهرة والشباب بيلعبوا شدة ،
وهاد بيدخن ، وهاد بياكل بزر ، وهاد بيسمع المسجل ،
وهاد بيحكي مع حبيبته عالموبايل ،
وحوالي الساعة الثانية ليلاً ، ومن كلمة لكلمة ، بين الشباب اللي بيلعبو شدة ، وهاد بيقول أنت خسران ، والثاني بيقول لأ أنت
خسران ،
راح واحد من الشباب ، وأخذ ورق الشدة ، ورمى به على المنور تبع
البناء ، عصب واحد من الشباب وتمشكل هو والشب اللي رمى
الورق، ووقعت مشكلة طويلة عريضة ،
شعر الحرس الجامعي ، وأمن الجامعة بوجود مشكلة وعلى
الفور ، طلعو عالغرفة اللي بتصير فيها المشكلة ، وطلبو الهويات الجامعية ،
وقعدو مشان يفهمو القصة وليش في مشكلة ،
ومن سياق الحديث واحد من الشباب بيقول للضابط : سيدي
الله وكيلك بسيطة ، المشكلة كلها عشان لعبة شدة ،
قال الضابط ، وين الشدة ،
قال الشب رميتها عالمنور
الضابط حكى هلأ بنشوف
بيطلب الضابط من العناصر اللي معه أنه ينزلوا عالمنور
ويتأكدو من القصة .
بينزلو العناصر عالمنور ، وأول ما بيوصلوعالمنور ، بيقفوا
مذهولين من
هول المشهد ...... مشهد تقشعر منه الأبدان
جريمة لا تغتفر . أربع بنات قتلى

أربع بنات ، يبدو أنهم قتلوا جراء السقوط من مكان عالي
أربع بنات
بنت الكبة
وبنت الديناري
وبنت البستوني
وبنت السنك
!!!!!!وتعيشو وتاكلوا غيرها

**غرآآآآآم** · 15-07-2008, 08:45 PM

هههههههههههههههه مقلب رهييب منك
يسلمك ربي وينقل للفرفشه

**مستر عدنان** · 16-07-2008, 01:41 AM

ههههههههههههههههههههههههههههههههههههههه
بصراحة أنا كنت متحمس مع قصتك
انا يوم شفت العنوان شعرت انها قصة مؤلمة
لأن بصراحة تصير حوادث كثيرة في الجامعات
عموما شكرا لك اختي على الموضوع الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري