قصة تيس رومانسي .. انتهت بمأساة ..

**عاشق كرة القدم** · 20-07-2008, 04:26 AM

كان فيه تيس اسمه (قرنبع ).. تخرج من الكليه الوطنيه لتربية التيوس بتقدير مقبول..

اخذ الشهاده .. وطار فيها لبيت عمه ( ابو جميله ) ... فرحان وفي نفس الوقت زعلان ..

فرحان لانه ناجح .. وزعلان لانه بيقابل عمه ....

اول ماوصل للخيمه ... جلس يدور عليها ... ويدور الجرس ...

سمعت العنز جميله ... صوت ولد عمها .. طلعت

له .. مستحيه .. وحاطه فوق راسها جلال .. يوم شافها .. صار وجهه .. برتقالي من الخجل ..

وقال لها .. مباااع ..

قالت : تهي تهي الله يرجك توني باقولها ..

نزل ( قرنبع ) من فوق البلكه .. اللي كان حاطها ... لانه مايطول الجرس (قزوم )

... وقرب عند (جميله ) وعطاها الشهاده .. ومن الدلاخه والرفاله .. اكلت العنز جميله الشهاده

قال قرنبع ..: يقطع شيطانك ياعنز...

قالت جميله : عن الغلط عاد ترى بازعل بعدين اهون عن الخطبه

وهو يكلمها .. وصل عمه ابو جميله ... يوم جا (قرنبع ) يحب راس عمه .. ويرفسه على اذنه ...

.. قال عمه .. وش عندك واقف مع بنتي ؟؟...

قال : لاتفهمني غلط ياعمي انا نجحت وجاي اتقدم لبنتك ..

قال عمه : نجحت ؟ وين الشهاده ؟

قال قرنبع : في بطن بنتك ياعمي

قال عمه : يلوموني بخفة دمك ياولد اخوي ... يالله انقلع .. واذا جبت الشهاده ازوجك بنتي ..

راح التيس قرنبع وهو يدعي على العنز جميله ..

وفي اليوم الثاني ... كان قرنبع جالس على البحر .. ويفكر .. فجأه نزلت دمعته ( رومانسي )

في نفس الوقت .. وصل عمه .. شاف الدموع اربع اربع

قال : سلامات ياولد اخوي عسى ابوك ما اندعس ولا توطته تريلا ؟ << تفاول عليه

قال : احبها ياعمي احبها ... تهي تهي تهي

قال : ايه .. الحين فهمت ... انا موافق بس بشرط !

قال : والله ياعمي موافق ؟ قل اللي تبي ..

قال : شرطي . انك ماتفصل بنتي من عملها وتفتح لها عشه لحالها .. ولا تزعلها ..

قال قرنبع ) .... مواااافق

ويطير قرنبع من الفرحه ... ويروح الحلاق يجهز نفسه ...ويحدد شنبه ويسوي حمام مغربي

وفي ليلة الزواج ... جتهم عنز .. وحاستهم ..

اول ماجلست .. صارت تمقل بالعروس .. والعريس ..

قالت : مايصيررررر.. باعلى صوت .. يوم وقفوا الطقاقات عن الطق ..

قالت العجوز : الزواج هذا باطل باطل باطل لاني مرضعتهم اثنينهم .. يعني هم اخوااان .. فهمتوا

سوتها عجوز قريح ....

ويركض التيس ( قرنبع ) للدايري بينتحر ..

واول ماشاف ونيت نط فيه ..

وقال للسواق .. يرحم والديك اقرب مسلخ.. لابوها حاله ..

ارجو ان تنال اعجابكم

وردة نيسان

**مستر عدنان** · 20-07-2008, 06:53 PM

هههههههههههههههههههههههههههههههههههههه
بصراحة قصة مضحكة قصة حب غريبة
مشكور اخوي على الموضوع

**Enad_999** · 21-07-2008, 01:44 AM

مباااااااع

=مشكور

**7Mo0o0o0oD** · 21-07-2008, 02:18 AM

مشكووور اخوي على القصة

تحياتي

**a 7 m 7** · 21-07-2008, 02:37 AM

هههههههههههههههههههههههههههههههههههه

**مهربة شباصات** · 21-07-2008, 04:03 AM

متشكر على القصة الجوناااان ...

جااااااري اللطش خخخ ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري