قصة الرسام مستر عدنان .. من اجل الانتفاضة

**مهربة شباصات** · 24-07-2008, 08:14 PM

بسم الله الرحمن الرحيم
السلام عليكم
كيف حالكم ان شاء الله تمام

نذكر في البداية ابطال القصة اللي هم
بطل القصة الرئيسي : مستر عدنان اللي اتمنى انه ما يزعل

وتبدا القصة يوم راح مستر عدنان
بريطانيا عشان يشتغل هناك لانه
عاطل ما لقى شغل في السعودية
المهم راح هناك وسكن في شقة صغيرة
ما عنده فلوس ومسكين دور شغل اللين
ما تفحم منالشمس من كثر ما هو يدور في
الشوراع في الاخير ما لقى اي حد يقبل انه
يشتغل معاه لدرجة انه مرة راح شركة
عشان يعينونه رفض المدير وهو مصر انه
يشتغل عنده بالغصب نزل فيه المدير تكفيخ
وتسطير وطرده بره الشركة وقال له لا اشوف
رقعة وجهك مرة ثانية ما ينلام على هالضرب
لانه ما عنده الا مية ريال يعني ما تكفي حتى الاكل والشرب
غير ايجارالشقة اللي اذا ما دفعه يمكن صاحب
المبنى ينزل فيه تكفيخ وتسطير المهم
راح عشان يتمشى شوي ويخفف عن نفسه ويفكر
وش يسوي في الطامة اللي نزلت عليه لان المشكلة
في هذه الحالة تعتبر طامة وخاصة لمستر عدنان ..
الا وهو يمشي بدون ما يحس انصدم في ‏fahd1_4_0_3
اللي كان يرسم على الرصيف وبعدين يبيع اللوحات..
وينصدم فيه ويطيح فوقه ويكسر اللوحات
ويقوم ‏fahd1_4_0_3 وتكفيخ وتسطير وياخذ منه المية
اللي معاه ومستر عدنان يقول له خلاص سامحني ما عندي غيرها
وفي الاخير سمح له ‏fahd1_4_0_3 انه يشم المية اخر مرة
ويودعها قام مستر عدنان يمشي وهو حزين وفكر قال ليش
ما اسوي مثله ارسم وابيع اللوحات راح وجاب بدل
الفرشاة ريشة نعام ولا نعامة ما ادري اللي هي وما
ادري من وين جابها في بريطانيا يمكن ارسلوها له من السعودية
وجاب خشب حط عليه قميصه بس في مشكلة من وين يجيب
الالوان فكر شوي وبعدين قال لقيتها ويروح الثلاجة ويفتحها
ويركض يفتح الدريشة عشان يتنفس لانه ما قدر يتنفس
من ريحة الثلاجة ويروح ياخذ له دبوس من اللي ينحط
في الكتب ويحطه في انفه عشان ما يشم ريحة الثلاجة
وطيران على الثلاجة ويخبط راسه
ويقعد يصرخ من الالم وبعدين يقوم وياخذ له خس ويحطه
في صحن وياخذ النعال وطاخ يضرب فيه عشان يطحنه
ويكسر الصحن والخس ما انطحن ويروح يحط الخس في الغسالة
ويشغل الغسالة عليه مب عشان يغسله لا عشان يبي يطحنه
وبعدين طلعه من الغسالة وحطه في الصحن ويركض يجيب طماطم
ويحطه في الفرن عشان يلين شوي ويركض يحطه في الغسالة عشان
يطحنه ويروح الثلاجة مرة ثانية ويدور ويدور لين ما لقى
جبن متعفن محطوط في الثلاجة من العصر الحجري وياخذه ويطحنه
وبعدين يجيب له عسل اصفر ويحطه في الصحن ويقعد عشان يشوف
الالوان تعالوا نشوف معاه الالوان اللي اخترعها المخترع مستر عدنان
الخس لون اخضر الطماطم طبعا لون احمر العسل لون اصفر
الجبن المعفن لون كحلي ويصرخ ياهووووووو ويقوم يرقص من
الفرح عشان لقى له شغل وياله من شغل ههههههههه
الا وهو يرقص يطيح في الغسالة لانه نساها مفتوحة ويصارخ
طيب ليش يصارخ؟! لانه نساها مشغولة ويدور ويدور ويدور
في الشغالة اي شغالة اقصد الغسالة ما قدر يطلع منها
الا لما وقفت بنفسها ويطلع من الغسالة وهو مدوخ ويبيي
يمشي يخبط بالطوفة واي ياراسي ويمشي مرة ثانية وهو من
كثر ما هو مدوخ ما يقدر يمشي ويوصل الغرفة على باله
الباب مفتوح يبي يدخل الا يضرب فيه واخ يا راسي ويفتح
الباب ويدخل ويطيح في السرير ويا عيني ما شافت النور
الا اليوم الثاني هههههههههههههه
ويقوم اليوم الثاني وهو نشيط ويركض
ياخذ اللوحة الا هو مسويها والالوان اللي مخترعها والريشة
يقعد يفكر يا رب وش ارسم اللحين بعدين قال اها برسم منظر
طبيعي من مناظر الطبيعة الخلابة ويطلع بره عشان يشوف له منظر طبيعي ويرسمه يحسب نفسه رسام هههههههههه
ويشوف له واحد بريطاني مسوي شعره كانه نخلة اما شلون
سوها فهذا اللي ما اعرفه افضل انكم تسالون مستر عدنان لانه
يمكن يعرف وهو قاعد على الكرسي ينتظر الباص قعد عدنان
يبي يرسمه يحسبه منظر طبيعي عشان النخلة اللي على راسه ههههههههه
الا جاء الباص وتقوم النخلة وتركب الباص عاد عدنان لما
شاف النخلة قامت ما حس بنفسه الا وهو في شارع ثاني من
كثرالخوف شلون النخلة تمشي ما يصير هههههههه
الا وهو يمشي شاف له وحده قاعدة في المطعم وهي
لابسة قبعة كبيرة لونها اخضر وفيها تفاحة من فوق قعد عدنان
يرسمها على باله تفاحة طبيعية لما بدا يرسمها قامت المراة
وراحت قام هو تضايق اش هذا كل شيئ هينا يمشي النخل يمشي
والتفاح يمشي اش هذا بلا في شكلك قام مشى من هالماكن في الاخير وهو
يمشي قرر يرسم طاحونة لما شافها قام قعد وهو على باله
انه قاعد على كرسي بس الكرسي فيه مطبات شلون الا بعد شوي
الكرسي يرتفع وهو يطيح يكتشف انه قعد على رجال نزل تحت
عشان يلم فلوسه والمطبات هي الفقرات اللي في العمود
الفقري للرجل عاد مستر عدنان مادري وش يقول خاص ان عنده
العنقليزي ميح وعشان كذا ما قبلوه في اي شغل المهم
قام قال اول كلمة جات على لسانه اللي هي يو از دوك
قام هذاك نزل فيه ضرب لين ما قال العيد بكرة بعدين خلاه
قعد مستر عدنان شوي وهو يلعن اليوم اللي سمع فيها اسم بريطانيا
بعدين قام وهو ما يقدر يقوم من كثر الضرب وشاف كرسي
وياخذ النعال الله يعزكم ويضرب الكرسي وهو يقول يابن
الكلب لو اني شايفك من قبل كان ما ذقت طعم الضرب
وبعدين قعد يرسم الطاحونة وخلص رسمها ولونها بالالوان
الطبيعية وفرح لدرجة انه قام يبي يرقص بس بعدين
تذكر انه في الشارع ففضل انه يقعد احسن له حط اللوحة
على جنب وقعد يفكر وقام يبي يمشي لما كان يبي ياخذ اللوحة
الا هي مليانه ذباب ونحل بسبب اللون الاصفر اللي هو عسل
خذ اللوحة وطرد النحل والذباب ومشى ووقف يصارخ يسوي
دعاية للوحته بعد شوي جاته وحدة وقعدت تطالع في اللوحة
المشكلة ان اللوحة مب حلوة لانه راسم الطاحونة كانها وردة
بس المراة شرتها عشان الوانها غير طبيعية والمشكلة ان الالوان
طبيعية هههههههههههه
قال لها اللوحة بخمسين مصدق نفسه على باله لوحة موناليزا
بس المراة شرتها لانها حبت الالوان خذت اللوحة وراحت الا بعد
شوي تصارخ وتقط اللوحة وتهرب عاد عدنان يبي يعرف وش السالفة
لان المرة نست الفلوس واللوحة يوم راح وشافها الا هي مليانة
ذباب ونحل اخذ اللوحة ووقف يصارخ عشان حد يجي يشتري اللوحة
ويجي واحد ويشتري اللوحة بخمسين لانه عجبه الالوان وقطها ويهرب
بسبة النحل والذباب ويرجع عدنان ياخذ اللوحة ويبيعها ويجي
واحد ويشتريها بخمسين لانه عجب الالوان ويقطها ويهرب بسبة النحل
والذباب وعلى نفس الحالة لين ما مجع ثلاثة الف ريال وهو مب
مصدق وياخذ اللوحة ويحبها ويقول الحبة للالوان بس مب اللوحة
كاملة لان كل واحد شرى اللوحة عجبته الالوان هههههههههه
رجع عدنان لشقته ودفع الايجار وقدم طلب على مركز لتعليم العنقليزي وتعلم العنقليزي بس بعد ما واحد من المدرسين
جاته سكتة قلبية والثاني طلع له قرون
بعدين قدم على شركة واشتغل وربح فلوس ورجع السعودية وسوى
له شركة وعينوه المدير العام ولا رجع بريطانيا
مرة ثانية وهو فرحان في السعودية وعنده خير بس عنده عقدة
اللي هي انزل تحت
7
7
7
7
7
بعد
7
7
7
7
7
7
بعد
7
7
7
7
7
7
7
خلاص لاتاكلوني بقولكم
7
7
7
7
7
7
العقدة هي انه يخاف من الشغالة اوه اقصد الغسالة
ههههههههههههه

ان شاء الله القصة تعجبكم مع

واتمنى ان مستر عدنان ما يزعل مني

وبرضو ‏fahd1_4_0_3 لاتزعل مني...

ملطوووشة مع بعض التعديلاااات

**الناي الحزين** · 24-07-2008, 10:22 PM

ههههههههههههههههه
مسكين أخوي مستر عدناااان
أحمد ربك أني رحمتك ورجعت لك الميه
لو واحد غيري كان لطشك
ومعليش على الضرب الي أكلتو مني

بس والشهاااده لله
انت فقعت وجهي
بس ممكن تبيع اللوحه الي عندك

معليش أخوي مستر عدناااااااان
لا تزعل علي ولو زعلت ماااأشتري اللوحه
ههههههههههه
:::::::::::::::::::::::::
مشكووووره أختي مهربه شباصات

ولالالالا ماحد يزعل وليش الزعل
هذي دار فرفشه وسعه صدر
يعني عاااااادي
بس والله قصه على كيفك
والحمدلله أنو مستر عدناااان
رجع للسعوديه وتعلم الأنقليزي
يعني بيصير مترجم في أحد الوزارات
ضمن الوظيفه

أشكرك مره ثانيه على الموضوع الرائع

**مستر عدنان** · 24-07-2008, 10:32 PM

ستم ايقاف العضوة مهربة الشباصات
ههههههههههههههههههههههههههههههههههههههههههههههههه
لا ترا سيتم ايقافك عشانك ما شريتي لوحة
ههههههههههههههههههههههههههههههههههههههههه الله يعطيك العافية
على الموضوع الرائع تواصلي معنا
نحن في انتظار جديدك
أبطال القصة هم اللي ردوا هههههههههههه

**الـمـسـحـور** · 25-07-2008, 12:27 AM

مشكور يالغالي

**مهربة شباصات** · 02-08-2008, 02:13 AM

اقتباس:

ههههههههههههههههه

دوم الضحكة اخوي ..

اقتباس:

مسكين أخوي مستر عدناااان
أحمد ربك أني رحمتك ورجعت لك الميه
لو واحد غيري كان لطشك
ومعليش على الضرب الي أكلتو مني
بس والشهاااده لله
انت فقعت وجهي
بس ممكن تبيع اللوحه الي عندك

انت مااعطيته المية انت خليته يشمها بس خخخخخ << تقول كيف الحال

اقتباس:

مشكووووره أختي مهربه شباصات

العفوووووووو خيو فهد ..

اقتباس:

بس والله قصه على كيفك
والحمدلله أنو مستر عدناااان
رجع للسعوديه وتعلم الأنقليزي
يعني بيصير مترجم في أحد الوزارات
ضمن الوظيفه
أشكرك مره ثانيه على الموضوع الرائع

ههههههههههههههه ...
ردك الاروع خيووو ..
يسلمو على مرورك الطيب ...

**مهربة شباصات** · 02-08-2008, 02:14 AM

اقتباس:

ستم ايقاف العضوة مهربة الشباصات
ههههههههههههههههههههههههههههههههههههههههههههههههه
لا ترا سيتم ايقافك عشانك ما شريتي لوحة

دوم الضحكة مو يوم ....
خخخخخخخخ الله يقطع ابليسك ..
انا اشتريت منك اللوحة .. تتذكر اول وحدة اشترت اللوحة منك ؟ هي انا بس كنت متنكرة << ما عرفت تجيبها

اقتباس:

الله يعطيك العافية
على الموضوع الرائع تواصلي معنا

واياك مستر عدنان ..

اقتباس:

نحن في انتظار جديدك
أبطال القصة هم اللي ردوا هههههههههههه

اي صادق .. عقبال الباقين ان شاء الله يشوفوا قصة مشرفهم ..
يسلمووو على مرورك ..

**مهربة شباصات** · 02-08-2008, 02:14 AM

اقتباس:

مشكور يالغالي

العفو ..
مشكور على المرور ..