يــابنـت يكفـــي دخيلــــك لاتبوسينـــــي
خــــــلاص يكفي ترى مليـت مشكـــورة

وش لك بخـــدي يابنت النـاس فكينـــــي
عندي طــريقة وهي مـــاهيب محظـورة

نامي على صدر ابوك وحـــيل ضمينــي
لو تصبح عظام صـدري منك مكــسورة

انتي أســـاســــــاً مكانـك فـي شرايينـي
مشـــــــاركـة بالمحبـة والغـــــــلا نوره

ولاهي غريبـــــة علـى مثلـك تحبينــــي
لاني أحبـــك وانــــــادي دوم عصفـورة

يابلسم جـــروح ابوك وفرحــــة سنينـي
يامن لها بالضلوع وخافقـي صــــــــورة

أهـــديت غيرك كلام رويشــــد اعفينــي
وانتـــــــي لـك بذمتـي درة وبلــــــــورة

امـــوت في ضحكتك وانتـي ذبحتينــــي
بلشـة .. عنيدة .. وكتكوتـة .. وشطورة

أن جيت اريّــــح وانــــام الليـل توذينـي
متسلطنـــة تضــــرب الجـدران بالكـورة

تلــــعب على عينـي الكـورة تورينـــــي
والله ولا سامــــــــي الجابـر وجمهـورة

واليـــــا بكت تنقلـب عنـدي موازينــــي
دنيـــــاي من دمعها وأن سال مذعـورة

كن الــــــزلازل بصـــــدري والبراكينـي
قامت تفجر وكـن الـــــــروح مخطـورة

واليا ضحكت قـــلت أنا بالسوق بيعينـي
لو كان ســـعري ثلاث ريـال معــــذورة

والله ما أحسد على ضحكك سـلاطينــي
اموالهم في بنـــوك جنيـف محشـــــورة

انتي حيـــــاتي وعمري شمعـة سنينـي
ودي اشــــوفك اليــــــا شيّبـت دكتـورة

ادواي لاجيت لك تعـــــبـاااان ضمينــي
الوصــــفة اللي تـرد الـــــروح عبـورة

منقــــــــــــــــــــــــول لعيونكم

الله يعطيك الف عافية ............

نورة الصفحة بوجودك ...........

قصيده رائعه رائعه رائعه وبالنسبه لي احس انها فكره جديده
سلمت اناملك على هذا النقل
تحياتي...,

قصيدة في منتهى الرووعة وكلمااااات توووحفة

تسلم يدك على النقل الراقي

وااااااااااااااااااااااااااو كلماتها فنانه
تسلمين يالغاليه وماقصرتي
تحياتي لج