بلييز ساعدوني

**ـروح إنسآنهـ** · 26-08-2008, 06:46 AM

السلام عليكم ورحمة الله وبركاته
حبايبي ابيكم تساعدوني وربي تعبت من كثر التفكير
انا اخوووي صار عليه حادث قبل سنتين وصابه شلل نصفي
وقبل الحادث كان خاطب وحده من جماعتنا وبنى له بيت
وكان المفروض زواجهم في الصيفيه الماضيه
المشكله انه بعد الحادث ماعاد تكلم احد في موضوعه اقصد موضوع الزواج
وهو صاير حسااس مره بعد الحادث ومافاتحنا في موضوعه لانه حاس بالنقص لانه بعد ماكان امام وخطيب مسجد الحين مو قادر يدخل المساجد اللي مافيها درج خاص بالمعاقين
وهو الان يقدر يروح ويجي ويسوق بروحه
ويروح للجامعه لانه كمل دراسته
والحمد لله راح يتخرج بعد العيد من قسم ممتاز ووظيفته مضمونه وبمرتب عالي ماشاء الله
المشكله ان اهل البنت ماعاد تكلموا نهايئآ بخصوص الزواج
واهلي على قولتهم مايقدرون يربطون مصير البنت بآخوي
انا راح اسالكم يابنات المنتدى لو انك في موقف البنت اللي خاطبها اخوي توافقون ترتبطون فيه
لاني افكر افاتحها في الموضوع بس خايفه من ردها وابي اسالكم قبل اكلمها
وربي قلبي يتقطع وانا اشوف اللي كبره متزوجين ومعاهم عيال
صحيح اخوي مو كبير عمره 25 سنه بس كل اللي تخرجوا معه تزوجوا
والمشكله انو اخوي اللي اصغر منه خاطب وباني بيت وحالف انه ماراح يتزوج الا معه في ليله وحده
ياليت تردون باسرع وقت
والسؤال ايضا موجه للشباب
.
.
.
اختكم :ـروح إنسآنهـ

**ـروح إنسآنهـ** · 26-08-2008, 06:53 AM

ابي رايكم بكل صراحه وبدون مجاملات

**غرآآآآآم** · 26-08-2008, 07:27 AM

شووفي يا قلبي
عمر الإعاقه ماكانت مااانع او سبب يمنع الشخص من إكمال مسيرة حياته ...
صحيح هو ما ينلام بحالته النفسيه
لكن لازم يتحلى بالأمل ولا ييأس
ياما ناس إيديهم راحت عليهم في غمضة عين وأشياء غاليه في اعضاءهم راحت
لكن واصلو حياتهم بأفضل من الأول
إذا كان اخوكي يقرأ كلامي
قولي له تقول لك غرآآآم بتعطيك قصه صارت لشاب وسيم بمعنى الكلمه
دخل بالغلط على حريم قالت وحدهـ منهم لو هذا ولدي خبيته في البيت
أخذت امه الكلام بإستهتار وضحك
في اليوم الثاني بدأ الرجال يحس بتعب وسخونه ودوخه ورجفه في جسمه
الين ماصار مايقدر يوووقف على رجلينه
راحو فيه للطبيب للأسف اصيب بشلل كامل
ومع القرايه وجلسات العلاج اصبح مشلول شلل نصفي
وكان خاطب وخطيبته وقفت معاهـ لآآآخر لحظه
وبالرغم من هذا كله صار ينافس الهوامير في الأسهم
وفي وظيفته متألق وناجح
وتزوج والحين عنده ولد وبنتين
ولعلمك ياقلبي هذا الشاب المعاق أخووووي
ولأول مره أفصح بهالشي ....
بس ابيك توصلين له ان الإعاقه عندها ماتوقف الحياة ابدا ً...
وإذا عن رأيي اني أتزوج من شخص معاق
اذا كنت أحبه مارح أتزوجه بس إلا بشيله في عيوني الثنتين
وبكون له كل شي بحياته ...
الله يوفق اخوك ويسعدهـ ويفرررج عليه همه وضيقته
ويرزقه ببنت الحلال اللي تحبه وتصونه وتحافظ عليه

**Co0o0o0oL** · 26-08-2008, 07:43 AM

انا رايي من رآآي أختى غرآآآم
اذا كنت احبه بشيله بعيوني
والحمدلله على سلامت اخوك ياغرام وإن شاء الله يتشافا كليا يارب
وإن شاء الله يتشافاء اخوك بعد ياروح انسانه ويقومه بالعافيه
وانا اشوف انت تكلمين البنت ولا يروح الموضوع بدون محد يتكلم فيه حرااام يمكن البنت مافكرت ترفضه بس ماتقدر تقول شئ حتى اهلها مايقدرون يقولون شئ لازم انتم تتكلمون اول
والله يكتب مافيه الخير للجميع
.
.

.
.

.
.
دمــــــــــــتي بــــــــــــود

**احـسـاس** · 26-08-2008, 07:43 AM

اهلين اختي
شوفي انا رايي من راي غرام
عمر الإعاقه ماكنت مانع او عاق لاي انسان
صح الاعاقه اثرة على نفسيت اخوكـ لاكن مستحيل تكون حطمت اماله
يمكن يكون يكابر لاكن مستحيل يكون ناسي
واذ1 انتي فكرتي بمفاتحت خطيبت اخوك بل مو ضوع
فرائيك صحيح ميه بل ميه
لان حلو تعرفين وش انتو عليه
ومن ناحية اخوك انه صاير حساس اتوقع مو غريب انه يكون كذا
لان هو راح يحس انه ناقص يمكن نظرة المجتمع لع كـ معاق
لاكن انتو الواجب عليكم تحسسونه بعكس هذا بضبط
وتبدون معاه من الصفر
علشان يرجع وضعه طبيعي
وانا اقولك هذ الكلام عن شخصيه عايشتها انا بنفسي
الله يوفقه ويرزقه بنت الحلال الي تسعدهـ
ويشفيه آآآآآمين ياربـ

**ـروح إنسآنهـ** · 26-08-2008, 07:57 AM

غرآآآآم
وربي ردك بكاني
الله يخليه لكم ويشفيه ويوفقه ان شاء الله
واخووي مادرى اني منزله الموضوع والا كان تصير مشكله
وانا مانزلت الموضوع الابعد ماسالت وحده من البنات نفس السؤال اللي وجهته لكم
طبعا كان ردها وبالحرف الواحد
الله لايقووووله انا اخذ معاق ليه انا بايره والا ناقصه
يعني ضامنه الاخت مخطوبه لواحد سلييم
استغفرالله

اشكركم كووول وباسكن روبنز ع الردود
وربي خففتوا عني شوي
جزاكم الله خير

والله لايحرمني منكم