ممكن ..سؤال ؟

**دمعه فرح** · 04-07-2009, 10:03 PM

ممكن اسأل!!

ليه احبك..؟

ليه قلبي راحته في حضن قلبك..

ممكن اعرف.. ؟

ليه ايامي بلا وجودك تموت.. ؟

وليه احلامي بلا نورك تموت ..؟

وليه من دونك يغطيني الحزن..؟

ويسجن شعوري السكوت..؟

ليه اضيع ان كنت غايب..؟

وليه اشوفك كل اهلي ..

وكل نـــــــــــــاسي والحبايب..؟

ليه اشوف الدنيا ورديه معاك ..

ليه احب اني اكون نجمة تضوي في سماك..؟

وليه اشوف الوقت ورده ذابلة لو غبت يوم..؟

وليه احسك جنتي..؟

والهنا بقربك يدوم..

ليه احسك .. شخص نادر..

شخص اغلى من الجواهر ..

ليه اشوف الناس من بعدك سراب ..

وليه اشوف الحب من دونك سراب ..

ليه يحييني حضورك ..

ويقتل ايامي الغياب ..

ممكن اعرف ليه احسك كل كلي ..

شمسي انت .. وانت ظلي ..

مالي من دونك مكان ..

وبس في عيونك محلي ..

ممكن اسأل ..

وممكن اعرف ..

ليه كل هذا ياخلي.. ؟

ليه احبك .. وبكل حالاتك ابيك..

بهدؤك .. بانفعالك ..

وبجنونك.. مهتويك ..

ليه احبك..

خفقة الروح اليتيمة..؟

وكل احلامي القديمة..؟

واسرار تخفيها عيوني ..

بس ماتخفى عليك

ايـــــه احبــــــــــــــــــــــــك..

بغروري..

وبشموخي..

وبعنادي..

اللي طوعته بيديك ..

وبغرورك.. وبكثر جورك..

وبحنانك.. ودافي احساسك..

وبأمانك..

لانثرته " من اجيك"..

ايه احبك..

وتوي دريت..

ان الهوى حده خطير ..

يقدر يغير في ملامحنا الكثير ..

يقدر في لحظه يجعل المهر الجموح..

طيرن صغير ..

يرضى بحبات الحوى ..

ويغفى على الكف الكبير ..

توي دريت ..

اني كذوب ..

وان المشاعر قبل مااعرفك ذنوب ..

ايه احبك..

ووحدك حبيبي ..

اللي سمع صوتي كسير ..

ياموانيء كلها حب ودفا ..

بس مرساها عسير ..

ايه احبك ..

وبوعدك ..

وقت ماتوقف ايامي معاك ..

بودعك .. وبحمل هواك ..

في روح ماحبت سواك ..

ايه احبك ..

وبظل احبك ..

فوق مااحبك لأنك وحدك الحب الحقيقي ..

واحبك وحدك ..

ياحلمي الأخير ..

واحبك وبكل حالاتك ابيك ..

بهدؤك .. بأنفعالك ..

وبجنونك .. مهتويك ..

أحبــــــــــــــــــــــــك ..

**سعود العتيبي** · 05-07-2009, 03:51 AM

ممكن اسأل!!

ليه احبك..؟

ليه قلبي راحته في حضن قلبك..

ممكن اعرف.. ؟

ليه ايامي بلا وجودك تموت.. ؟

وليه احلامي بلا نورك تموت ..؟

وليه من دونك يغطيني الحزن..؟

ويسجن شعوري السكوت..؟

ليه اضيع ان كنت غايب..؟

وليه اشوفك كل اهلي ..

وكل نـــــــــــــاسي والحبايب..؟

لا تعليق على اسئله اتبعتني دون جواب

مبدعه يا دمعه مبدعه

**ηàjறàт àlKàwη** · 07-07-2009, 03:13 AM

وتوي دريت..

ان الهوى حده خطير ..

يقدر يغير في ملامحنا الكثير ..

يقدر في لحظه يجعل المهر الجموح..

طيرن صغير ..

.. .. ..

خـــآطرة جميلــة .. سطرت معـــآني آلحب آلصــآدق ..
شكرآ لكـِ عزيزتي ~ِ

**دمعه فرح** · 07-07-2009, 10:59 PM

يسلمو على المرور العطر
منورين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري