ياجماعة ياريت حد يرد على اسالتى ضرورى بخصوص اللى حصل بين مصر والجزائر

**Snowy`Night** · 01-02-2010, 03:13 AM

اولا الف مليون مبروك لمصر وفوزها بالكاس لتالت مره ورا بعض ودا بيدل ان مصر اقوى الفرق فى الوطن العربى واننا اتظلمنا من الدولة الخضرة بكلامها الكدب وربنا نصرنا عليهم ----

بس فى اساله كتيييييير نفسى تردو عليها وتقولولى مصر صح ولا الجزائر اللى صح ------

اولا بيقولو اننا لما فوزنا عليهم فوزنا عشان الحكم اخد مننا رشوة --طب ياجماعة قرار الحكم لو غلط ازاى بقيت الحكام اللى معاه مش هيعترضو ويوقفو الحكم بتاعه ولا كان كل حكم خد رشوة وخلى المتش يمشى على مزاجه طالما ان مفيش رقابه ويبقى الفوز بعد كده باللى يدفع اكتر للحكم وازاى كل القنوات المحايده قالت انهم انطردو عشان عدم الانضباط ومحدش قال الحكم ظالم وهما الوحيدين اللى قالو الحكم واخد رشوة وبعدين لو الحكم منحاز لينا ازاى هيدينا فى نفس المتش كارتين انذار زيهم وفى حاجه مهمه جدا لو احنا ادينا للحكم رشوة عشان نفوز فهل احنا اديناله رشوة فى 2006 و 2008 كمان لما خدنا الكاس وهل كل مافريق يجتهد ويفوز الناس الفاشله التانيه تقول دا رشوه ولو احنا ادينا الحكم رشوه فهل نيجيريا كمان الحكم خد منها رشوة عشان تفوز على الجزاير وتطلعها الرابعه ولا ملاوى اللى مش موجوده على الخريطه اصلا هل ادت الحكم رشوة بردو عشان تفوز 3 على الجزاير----------------

تانى حاجه فى ناس فى المنتدى بتقول علينا اهل فسق عشان بنعمل افلام سينما-- طب انا عندى سؤال مش كل دولة متقدمة بتبقى متقدمة فى الفن والرياضة والعلم والدولة الخضرة لو عندها امكانيات انها تعمل ربع فيلم مكنتش هتتاخر بس هما معندهمش امكانيات لاى حاجه لكن احنا نجومنا وافلامنا وصلو العالميه وعندنا علماء كتيييييييييير اخدو جايزة نوبل ووصلنا فى الرياضة لاننا غلبنا ايطاليا اللى فازت بكاس العالم وهما مادخلوش فينا جون واحد ولعبنا مع البرازيل ودخلنا فيهم 3 اجوان وخدنا كاس افريقيا 3 مرات ورا بعض وغلبنا كل الفرق من غير ولا خساره معقول فريق بالقوه دى تقولو عليه بيدى الحكم رشوة عشان يفوز وتقولو عليه فاسق عشان بيحاول يوصل للدول المتقدمة ويوصل بنجومه وفنه للعالمية مش يفضل قاعد خايب زى الدول اللى مبتعرفش تعمل اعلانات فيلم حتى ولو كلامى غلط ياريت حد يقوللى هو غلط ليه -----------

-تالت حاجه ياجماعه ممكن تدايقكو شويه وهى اللى حصل من جمهور الجزائر بعد مباراة مصر والجزائر فى السودان لما قعدو يضربو الجمهور المصرى بالسكاكين والمطاوى لدرجة ان المصريين كانو بيدخلو بيوت السودانيين عشان يحمو نفسهم من الجزائريين ---- انا الحاجه اللى عايزه اعرفها هى ليه عملو كده وياريت حد جزائرى يجاوب عالسؤال دا بالذات لان تفسيره الوحيد عندنا هو الحقد على المصريين

ياريت ياجماعه تردو رد عادل وتجاوبونى لان فى ناس ظلمتنا جامد ----------- شكرا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري