وش يسوون الطالبات والطلبة عندما يرن جرس الفسحه !!!

Fahad · 24-04-2007, 05:09 AM

تبون تعرفون وش يسوون البنات والشباب اذا رن جرس الفسحه ...

اولاً البنات :

اول ما يرن جرس الفسحة

- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس .. (راعيين مشاكل هذول)

- كل وحده تمشي وفمخباها شوكولاتة واذا عطيتها شبس تقولك : سوري .. انا مسوية ريجيم .. ( الله واكبر عالريجيم وهي مخلصة شوكولاتة البقايل كلها ) .. اول ماترد البيت على طول تتصل تليفون للدكان اللي على الشارع ..

- والبنات الاذكياء اول مايرن الجرس تشوفها داخلة غرفة المدرسات تبي المدرسه تشرح لها الدرس اللي كانت غايبه فيه.

- وبعض البنات اتشوفهم منخشين ورا السلم يحلون واجب الرياضيات اللي ماحلوه في البيت .. (هذي لا غنى عنها) هههههه

- اما الاهم .. تشوف بعض البنات يستأذنون من الحصة قبل الفسحه بثلاث دقايق ويركضون الكافتيريا –يحجزون لهم مكان – واول مايرن الجرس الاكل كله مخلص مافيه الا عصير يتهاوشون البنات عليه واخرتها يطلع منتهي ...... (من المساحيت اللي لهفوه كله)

خلصنا من البنات

*******************************

ثانياً الشباب :

- تلقى واحد منهم نايم طول الحصة وأول مايرن الجرس يدعي على اليوم اللي دش فيه المدرسة (لأن حلمه انقطع بسببهم)

- واثنين من الطلاب ينطرون متى يروح المدير اللي صار له واقف ساعة قدام الصف واول مايتحرك خطوتين يشيلون اغراضهم وينطون من الطوفة ويشردون من المدرسة ويمرون على كم دكان في طريقهم وبعد نص ساعة يرجعون المدرسة ..(لأن اكل المدرسة مو زين)

- وشلة تروح ورا المدرسة ويجلسون يدخنون لين ما يقولون بس وما امداهم يشفطونها الا واحد رايح يفتن عند المدير وما يحسون الا المدير يتصل تليفون حق ابائهم وفاصلهم .. (مساكين والله ههاه)

- اما واحد تشوفه فارش غترته على الارض ويكمل نومه (لان طول الليل مارقد يشوف فيلم ويلعب سوني او جاي من القهوة متأخر)

^^ اذا فيه شي مو مذكور اتمنى تذكرونـــه وتسلمون على المرور ^^

**alkarbalaya** · 24-04-2007, 07:38 AM

اقتباس:

- اما واحد تشوفه فارش غترته على الارض ويكمل نومه (لان طول الليل مارقد يشوف فيلم ويلعب سوني او جاي من القهوة متأخر)

لوووووووووووول

تسلم يدينك على الموضوع يا فهد
الله يعطيك العافية ان شاء الله

**alsh8ra** · 24-04-2007, 05:57 PM

- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس .. (راعيين مشاكل هذول)
والله صح .,
بس مااتذكر اني تكلمت عن اخوي الصغير >>ماعنده اخو صغير
كل وحده تمشي وفمخباها شوكولاتة واذا عطيتها شبس تقولك : سوري .. انا مسوية ريجيم .. ( الله واكبر عالريجيم وهي مخلصة شوكولاتة البقايل كلها ) .. اول ماترد البيت على طول تتصل تليفون للدكان اللي على الشارع ..
هذه غلط انا احب الشبس اكثر من الشوكولا
مشكور مديرنا

**waed** · 27-04-2007, 01:46 PM

- وبعض البنات اتشوفهم منخشين ورا السلم يحلون واجب الرياضيات
اللي ماحلوه في البيت .. (هذي لا غنى عنها) هههههه

هذي دايم اسويها

تقول ما عندي بيت احل فيه الواجبات

يعطيك العافية

**fahdss** · 30-04-2007, 05:21 PM

لو سمحت غير اكتب اكثر

**solace** · 30-04-2007, 05:59 PM

فسحه .......فسحه
انا سمعت الكلمه دي فين قبل كده
اه افتكرت في المدرسه
بس احنا مدرستنا كانت كبيره قوي واحنا في الدور الرابع اول ما الجرس يضرب ننزل الحوش ولما يضرب تاني نكون احنا وصلنا الدور الاول نقوم نطلع تاني لحد ما بقينا نقعد في الفصل نهبب اي حاجه
شكرا فهود ع الموضوع قلبت عليا المواجع

**بحــ بلدي ـب** · 02-05-2007, 03:10 PM

ههههههههههههههههههههههههههههههه

يسلمووووووووووووووووووووووووووووووو