احلى مسجااات she5at alzean

**she5at alzean** · 07-06-2007, 11:42 AM

اسأل ((غلاك))..
بداخلي طول الأيام...
ويجاوبك دمع العيون الغريقه..
لو كان حبي لك تخاريف وأوهام..
ما"أشتقت لك"

------------------

كل منا قلبه على الثاني ..
لو ضحك واحد .. " فرح وتبسم الثاني "
ولو انجرح وحزن واحد مننا صرخ ..

آآآه يعلني فدى نصفي الثاني ..
احنا ترى غير البشر !!!
احنا ترى " تومين "

الواحد مننا روحه وحياته رهن للثاني

------------------

يامنتهى الغايه وذوق المشاعر
ياأروع شعور بحياتي قريته
لي قلب مجنون ولي روح شاعر

وفيني عقل لولاك مني خذيته..
:: ياااشيخ قلبي يحبك::

لعنبوها رسايل..
ماتوصف اللي
بالحنايا ضميته...

------------------

ليتك تمر اليوم عندي
واحاكيك
واقولك من كثر شوقي
علومي
حتى القمر لو تطلبه قال
لبيك
يخضع وتخضع من وراه
النجومي
ماسرق قلبي غير حبك
وطاريك
اشتاق لك حتى وانا في
حلومي

------------------

أنا بالله كيف احيا بدونك ؟
اذا كان الهجر يعني "موتي"
اذا نوم الهنا داعب جفونك
انا ماتعرف جفوني سباتي
"حبيبي"
والغرام العذب كونك
حبيبي والعطش كله بداتي
تطمن مااحب الاعيونك
لاني شفت بعيونك حياتي

------------------

لبى فؤادك يامنى الروح
وين انت ..؟؟
ياللي حياتي دون وصلك ولا شي
أقسم برب الكون مشتاق
لك انت..!!
شوقن يساوي من تنفس وهو حي
لبى الوفا وانا الوفا لك
تكونت..!!
لبى الحنين اللى حوى النور والضي
------------------

طلبتك بالغرام اللي
جعل وسط الجسد "روحين"
وقلبٍ ينبض بحبك
ونبضاته "ينادونك"

اذا مريت في بالك
تذكر يالغلا "شيئين"

"" محب عاش لعيونك ""
"" ومات لخاطر عيونك ""

------------------

أبيك
تذ كرني ليا صرت تعبان

"ترمي علي"
همّك وجسمك وأضّمه

أبي أكون النّوم لاصرت نعسان
وحضن الحنان لقلب مشتاق لأمّه

------------------

قالوا تحبه.. ؟؟
قلت بالحيل أحبه
وأحب التراب اللي وطت به
خطاويه قالو غلاته ؟؟

قلت ياناس صعبة أوصف
غلا اللي عن غلا الروح مغليه..
سعادتي لو هي دقايق بقربه
تسوى العمر كله مع كل ماضيه..

------------------

أعترفلك..
أنك أجمل..
ماحصل بالكون فيني وإنك أغلى..
من هواي ومن سنيني وإنك أحلى..
حلم في فكري وعيني..
أعترفلك..
آه وشلون أعترفلك؟؟
آه ياجرح..بكيته
آه ياهم..سريته
طول عمري والين ربي ياخذني إليه
ببقى
"أحبك"

------------------
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

_______________________

طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره

_______________________

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح

_______________________

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

_______________________

الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

_______________________

((مسكين قلبي هو بدى منه تقصير
هوناقصك يعني تجئ تستغله...!!))

_______________________

زفـــــــت لـــى الفــــــرقا تبـــــاشير حلـــــمى
والـــــــحمد للة مابـــــــقى لــــــى كـــــود حســــرات

_______________________

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

_______________________

((يابنت...ياللي كل همك غرامي
الظاهر انك ..جاهله بالعناوين

كم قلت لك هالحب ماهو مرامي
روحي اكيد انك بدالي تلاقين ..!!))

_______________________

فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!

_______________________

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

_______________________

سلامتك معاد لي رغبة فيك
لاصد قلبي صد من دون رجعه ..
_______________________

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

_______________________

مع السلامه

مانبي غير
فرقااك

دامك مقفي
مالنا
فيك
قدره

_______________________

دنيا تضيق وفزعة الله قريبه
وعند الفرج مايخذ الضيق ساعة ....

_______________________

لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـاا مضـيــعة وقــت

_______________________

ما دام طعت الوقت فيني واقفيت

تحمل اللي يجيك لا جيت تايب

_______________________

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

_______________________
لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

_______________________

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟

_______________________

لا تحسب ان القلب هام وضمنته..

نذر علي ان ذلني ما اعترف فيه..

_______________________

لاتنتظر منا الرجوع انتهينا
كم واحدن قبلك تكبر وعفنــــــــــاه ؟

_______________________

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

_______________________

رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

_______________________

قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي

_______________________

عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

_______________________

تعشق معي عشره وفينـا تفننـت

هـذا تبسملـه وهـذا شطبـتـه

انا ترى لااقفيـت قفيّـت مابنـت

والشخص لامني كرهته كرهتـه

مااذل نفسي وارخي الراس يابنت

واللي بغا فراقي تـرى ماجبرتـه

_______________________

نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه

_______________________

حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه يووووو طولت واجد عليكم بس تبون الصراحه المسجات منقوله لكم يا حبايبي تستاهلون

**she5at alzean** · 08-06-2007, 07:47 PM

غريبه ما في ردود ؟؟؟!!!!!!

**she5at alzean** · 11-06-2007, 06:06 PM

**shraf** · 19-04-2008, 11:34 PM

كلمات جميلة الله يعطيك العافية

**hitman-91** · 20-04-2008, 12:10 AM

مشكوره يا شيخة الزين على الرسايل

: ينقل الى قسم الرسايل :

**بنت الشرقية123** · 20-04-2008, 01:45 AM

يعطيك العافيه حبيبتي مسجات ولا احلى وانا بصراحه اول يوم لي بالمنتدى واستغربت انو مافيه ردود على هالمسجات الحلوه بصراحه اول مره اقرا مسجات جديده زي هذي وبالذوق والاسلوب الحلو هذا
تسلمين حبوبه لاعدمناك

**الناي الحزين** · 20-04-2008, 06:14 PM

شـــكـــراااا عــلــى الــطــرح