%% صيــــــف الريـــــــــــــــــاض %%

**بدر المنتدى** · 02-08-2007, 06:46 AM

أبيات اعجبتني بمعانيها
وبسراحة جاءت بوقتها
ارجو ان تناك اعجابكم
ـــــــــــــــــــ
الصيف قـرب ثـم تزايـد بشوبـه
وجو الرياض اليوم وصّل لخمسيـن

ما عاد فيه احد ٍ يجـي يـم صوبـه
من حره اللي صـار كنـه براكيـن

غـدا علينـا يالسنـافـي عقـوبـه
لا موتر ٍ ينفـع ولا مكيـف ٍ زيـن

خلا الرجل يكره مـن الحـر ثوبـه
والبنـت تكـره ضيّقـات الفساتيـن

نوب ٍ حراره // نوب معها رطوبـه
واليوم لامن راح كنه عـن اسنيـن

خلا الشمالـي يلتفـت وش ذنوبـه
ويحسب اعماله من الزيـن للشيـن

ثم اجتمـع ربـع ٍ وعلـم ٍ حكوبـه
لا قررو شـي ٍ بـدو فيـه عجليـن

تجمعـو كــل ٍ يطـالـع جيـوبـه
سألتهم وش فيه ؟! // ردو بماشيـن

جهـز شنـاطـك دام دم العـروبـه
باقي بنا وصلـه وطعمـه وشفقيـن

الشـام كنـه يرتعـش مـن هبوبـه
وحنا ذبحنا الحـر وسـط المساكيـن

جو ٍ عليهـا يـا لسنافـي اعجوبـه
لامرت النسمه على شجـرة التيـن

نبغى نشوف المـا ونبغـى العذوبـه
ونرشف قراحه بين خضر البساتيـن

ونبغى نشوف التل وش هـم قروبـه
تغيـرو ولا علـى العـرف باقيـن

نسكن بوسط الشـام والديـر نوبـه
ونوبه على قسيون // نوبه على وين

لأن كــل الــدار دار محبـوبـه
وسكانها ناس ٍ مع الضيـف ذربيـن

قاع ٍ خضـار وكـل منهـم وطوبـه
بيرجعون بكـاش // ولا بعـد ديـن

وان فـرت الميـدان شقـرا لعوبـه
يصرف زهاب العايلـه والوراعيـن

يالله مشينـا والسنيـن محسـوبـه
والعمر يمضي بيـن ليلـه وثنتيـن

قلت اصبرو // كل ٍ يحـدد اسلوبـه
وانا مزاجـي غيـر وانتـم مقفيـن

كل ٍ يحـدد مشربـه وسـط كوبـه
وانـا بحـط السالفـة بيـن بيتيـن

الحر // والسافي // وزود الرطوبـه
في وسط داري كنهـا كحـل للعيـن

والزحمه اللي فـي طريـق العروبـه
تسوا الحدايق بين بـرزه وتشريـن

عبدالله العايد

**غرآآآآآم** · 02-08-2007, 06:58 AM

إنت تقوووول فيهآآآآآ .. يا بدرنآآآآآ

والصيف ما قرب ’’’ إلآآآآ حل .. وذبحنآآآآ بحرارته ...

وجهزنـــا شناطنا ,,,, ولا رحلنآآآآ

سيدي ’’’

سلمت يدآآآآآك ,,, و صح لســـان الكآآآتب ’’’

وجت في وقتهآآآآآآآ

صبآآآآحك ,,, ورد ,, وجوووووري

**آميرهـ بآخلاقي** · 02-08-2007, 03:51 PM

الحر // والسافي // وزود الرطوبـه
في وسط داري كنهـا كحـل للعيـن

والزحمه اللي فـي طريـق العروبـه
تسوا الحدايق بين بـرزه وتشريـن

الله يخلف كل الناس هجووا مافي احد بالرياااض حراام عليك...

حتى شارع العروووبه تقوول كانه الربع الخالي من فضاااوته..

تسلم يا بدر عالكلماات

**بدر المنتدى** · 03-08-2007, 06:51 PM

اقتباس:

المشاركة الأصلية كتبت بواسطة غرااام

إنت تقوووول فيهآآآآآ .. يا بدرنآآآآآ

والصيف ما قرب ’’’ إلآآآآ حل .. وذبحنآآآآ بحرارته ...

وجهزنـــا شناطنا ,,,, ولا رحلنآآآآ

سيدي ’’’

سلمت يدآآآآآك ,,, و صح لســـان الكآآآتب ’’’

وجت في وقتهآآآآآآآ

صبآآآآحك ,,, ورد ,, وجوووووري

بس يقولون مافيه حجز هالايام

مشكورة اختي غرام على المرور

**بدر المنتدى** · 03-08-2007, 06:54 PM

اقتباس:

المشاركة الأصلية كتبت بواسطة ..عاشقة ريم..

الحر // والسافي // وزود الرطوبـه
في وسط داري كنهـا كحـل للعيـن

والزحمه اللي فـي طريـق العروبـه
تسوا الحدايق بين بـرزه وتشريـن

الله يخلف كل الناس هجووا مافي احد بالرياااض حراام عليك...

حتى شارع العروووبه تقوول كانه الربع الخالي من فضاااوته..

تسلم يا بدر عالكلماات

مشكورة اختي عاشقة ريم على المرور

**رميحيه** · 03-08-2007, 11:20 PM

كلامك الجميل سيصل لمن تريد 0قريبا جدا وسوف انتظر المزيد من ابداعتك00