أنـت مثلـي يـا بحـر قبـل أمـس فاقـد لـك حبيـبـه
اسـألـك بالله قـلـي يــا بـحـر ايـــش الحبيـبــة ؟

ولا اقول : اسكت وأنا بحكي عن اللي لك خذاني
ببـتـدي مـعـك الـكـلام وكــل مــا عـنـدي بجيـبـه

تـذكـر الـلـي لا لفتـنـي بـشـر القـلـب المـعـانـي
تـذكـر الـلـي كلـهـا حــب وغـــرام ونـهــر طـيـبـة

تذكـر اللـي صوتهـا تشتـاق لــه حـتـى المـوانـي
كــل مـيـنـاء يـســأل الـثـانـي إذا طـــول مغـيـبـه

تذكـر اللـي فـي كفوفـي تشـعـل الدنـيـا امـانـي
تـذكـر الـلـي نـورهـا ســود الليـالـي تقـتـدي بــه

تـذكـر الـلـي سلهمتـهـا تقـلـب السـاعـة ثـوانـي
تذكـر اللـي عطرهـا حـتـى طـيـورك تحتـفـي بــه

تـذكـر الـلـي علمتـنـي كـيـف اروض هالمـعـانـي
كـل مـا مـرت علـي رخــت للشـعـر انتـخـي بــه

تذكـر اللـي كــل صـبـح تمـرنـي باحـلـى تهـانـي
صـار كـل العمـر عيـد وصـارت اقــرب مــن قريـبـة

قبـل يوميـن تركتنـي ورحلـت مـع شخـص ثـانـي
شخص ما كانت تحبه بس ما ادري وش تبـي بـه

ادري انــي مــن سببـهـا كـاسـرٍ خـاطـر زمـانــي
و ادري انـــي اول انـســان كاسر خـاطــر نـصـيـبـه

وا دري أن الله خـذى منـي مثـل مـا هـو عطانـي
وادري ان الغاليـة راحـت رضــى مـاهـي غصيـبـة

بـس اقـول الله كريـم وعـمـر كــل الـنـاس فـانـي
والمكـان اللـي خـلا مـن زولـهـا وش ينبـغـي بــه

مدخـلـك بالله قـلـي حــط نفـسـك فــي مكـانـي
وش تسـوي يـا بحـر لا صــرت فـاقـد لــك حبيـبـة

شكرا أخى على الكلمات