ماعـــــــــــــاش من يخليك خادمــه يايمـــــــــــــــه

**ShMoOo5** · 07-08-2007, 01:00 AM

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون في عونها
آميــــــــــــــــن

منقول اكيد

**عنااااد** · 07-08-2007, 01:33 AM

يعطيكي ألف عااااافية خيتوووو SWANK

والله الكلمات حيل قوووية ومؤثرة .. قلووووب قاسية
مشكووورة ولا تحرمينا جديدك

تقبلي تحياتي

...... منسدح بالصالة ......

**ஐSoOoMaஐ** · 07-08-2007, 02:25 AM

مشكـــــوره .....سوانكـ.....

والله قصيدة مــؤثرة وحسبي الله على حمدان هذا
من جد مايخاف من ربـــــه
الله يكــون في عونــها المسكيـــنة......

**لاملاكـ ولابشر** · 07-08-2007, 07:40 AM

وين قلبه هذا؟؟؟

مايخاف ربه؟؟؟

لهالدرجه وصلت قساوة القلوب,,,

شئ صراحه يقهر,,,خلي زوجته تنفعه<<تحمست مرره

ماأقول غيييييييير الله يهديه,,, ويعين امـــــــه ويصبرها,,,

مشكووووره اختي على الموضوع,,,

**بدر المنتدى** · 07-08-2007, 07:47 AM

الله اكبر ياقلب الام

مشكورة اختي على الابيات اللي تعور القلب

**ShMoOo5** · 07-08-2007, 06:14 PM

حياكم الله

وأسعدتوني بردودكم

مشكووورين ع المرور الطيب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري