يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

شكرا على الكلمات

فداك القلب يايمه ومهما قلت من كلمـــات
صغيره في كبر حقك بس اتمنى تعذرينــي

يايمه ارجعي كافي ابجلس معك لو لحــظات
واقبل ايدك ورجلك وافرش لك رمش عيني

يايمه ما تحملهـــم يقولوا فات ما قــــد فات
تعالي غيري هالقول واطيعك باقي سنيـــني

يايمه ارجعي تكفين وطفي شمعة الآهــــات
ابيك انتي ولا غيرك على موتك تعزينـــــي


ابيات حزينة جدا جدا
وتعتبر بمثابة تذكير لكل الابناء لإغتنام الفرصة لتقديم ماتجودبه أنفسهم لوالديهم .
وهذه الابيات يقال أنها على لسان احد الشباب وهو يتحسر على فقد والدته في حادث كان هو المتسبب فيه وعلى أثرة ماتت الأم .

اللهم أعنا على خدمة والدينا واجزهم عنا خير الجزاء

مشكور أخي c.j على الابيات

شكراً على مرورك والكلمات الرائعه

لايسمح اكثر من موضوعين باليوم

جاري الاغلاق ..