شخصيات التماسيح على الماسنجر ........... استانسوا يا بنات

**وردة الرياض** · 29-08-2007, 10:26 PM

هااااااااااااااااااااااااااااااااااااااااااي بنات

كيفكم ؟؟

كيفكم ؟؟ إنشاااءالله تزقحووون أتمنى ذلك << مقدر على اللغه

خخخخخخخخخخخخخخخخخخخخخخخخخ

جبت لكم موضوع فله

عن شخصيات التماسيح بالماسنجر

شفوا الفضايح بس

==========================================

هذولا شخصيات بعض الشباب على الماسنجر

العاقل

لما يفتح ماسنجره مايكلم احد ينتظر الكل يرحب فيه وهو يبتسم ويقول شكــراً

واذا احد ارسل له فايل او رابط اغنيه حط علامة استفهام وسكت نص ساعه مايكلمه ولما يكون

متحمس بالكلام يكتب كلمه في سطر ويضغط انتر ويخاف من الاخطاء الاملائيه وضحكته عباره عن

ابتسامه واذا كان مبسوط مره ثلاث ابتسامات <--دمه خاثر مسكين :Swaffff

:

المصلحجي

مايسلم عليك الا مره بالشهر يدخل عليك فجأه ويحط لك ورده مع انه كل يوم متواجد وساكت

ويستخدم مشغول او بالخارج واذا احتاج مساعده يجيك ويسلم عليك ويقول وينك من زمان ماشفتك وشدعوه ماتسأل عني ؟

ترى اخوي كل يوم يفتح ماسنجري واوصيه كل يوم يبلغك سلامي لاني مشغوول حدي مع الدراسه <<الله من النصب والترقيع<--حد الارنب بس

وبعد مايخلص مصلحته يقولك عن اذنك بروح اكمل مذاكره

الرسمي

يرتب المجموعات الى قسم العائله وقسم اللزملاء فقط وطبعا مافيه قسم اصدقاء واغلب كلامه مثل

احترم نفسك رجاء هذي امور خاصه فيني ولما تسأله شخبارك يرد بخير ويسكت واذا سلمت عليه يرد

وعليكم ويسكت اغلب وقته يقرا مواضيع بالمنتديات في قسم الرأي الاخير ويعشق برنامج الاتجاه
المعاكس

الــخـبـل

هذا كل سوالفه ضحك وكل شوي يكتب نكته ويضحك لحاله وضحكته طويله تقريبا 3 سطور ونص <--ياحليله

واغلب كلامه بالصور يستخدم كل صور الماسنجر وغلطاته الاملائيه كثيره ويجمع عدة اشخاص في

محادثه وحده ويتكلم عن ثلاثه مواضيع في وقت واحد ويقرا العنوانين الرئيسيه بالجريده ويجي يسأل

عنها <---يقاله متابع الاحداث وكل شوي يغير الصورة الجانبيه ولون الخط

الدفش

يغيب ايام طويله مدري وين يروح ويرجع فجأه وكلامه مثل شخبارك شخبار امك عساها طيبه ؟

يادلخ انقلع .. ضف وجهك .. ابي فزعه .. لاتزعل وانا اخوك تراني امزح ودايم يطيح الميانه وثقافته

ماتتعدى المتوسطه وتفكيره البر والتفحيط والددسن يموت بخالد عبدالرحمن مايعرف من العطورات

غير دهن العود ابو عشرين ولو كلمته عن ماركة قوتشي او ديور يقول مقاطع الامريكان وضحكته

تسذا هع هع .. ويكتب بلون اسود لانه مايعرف يغير الألوان <---والله رهييييييييب

الفيـل ( هذا نادر وجوده)

طباخ ممتاز ويحب يسولف عن الاكل ودايم جوعان ونقطة ضعفه جالكسي جواهر والاندومي وقبل

موعد العشا بساعه يكون مزاجه متعكر ودايخ ويسولف من غير نفس ودايم جوعان ولما ينادونه للعشا

يقفل الماسنجر بسرعة البرق ودايم يتكلم عن تجاربه الفاشله بالرجيم ومستحيل تشوفه في النهار

اوقاته من العصر وطالع ودمه خفيف ومرهف المشاعر <--- يذكرني بناس ياحليهم حليلاااااه بس

البريئ

عمره يكبر وعقله مايتغير مازال طفل وعلى نياته يثق في كل الناس بسرعه يتأثر وكل يوم يسألك كم

عمرك يعشق سبيس تون وبينك بانثر يحب سوالف البلاي ستيشن يتواجد العصر والمغرب لانه ينام

بدري ماعدا يوم الخميس طبعا هع .. شعاره الدنيا حلوة احيانا يجيك سكته قلبيه من غباءه ومع ذلك

الاول عالمدرسه لو بلغته باسرارك بيفضحك بكل منتدى يخاف من القطو واي شي يمشي على اربع

رجول حتى انت لو تمشي على اربع بيخاف منك خخخخخخخ

الشين

اسمه الحقيقي سداح والا مفتاح والا محماس .. يعايرونه اخوانه بو جبهه

يجي بالماسنجر يتميلح يقول اسمي عزوز والا عبود ودايم مايعجبه العجب واذا شافك مشغوله انواع

الهواش والشتايم واذا ماعطيتيه وجه انواع الصفط والركب ويحتار كيف ترضينه تعطينه اغنيه يقولك ماحب الاغاني

يشبه العنز الغضبان كل شي يضايقه يكره اليسا ونانسي ويموت بالطقاقات مايعرف يجامل ولا يمدح الا نفسه

دايم يوصف نفسه بالجمال يدخل الشات يكتب اسمه الرومنسي والا المزيون

المتزوج

هذا ممكن يكون سبب في كرهــك للزواج كل سوالفه عن مشاكله الزوجيه وغثى عياله ومرته وفجاه يقول برب

يروح يهاوش ولده ويرجع وكل يوم يسألك متى ناوي تتزوج عشان نفرح فيك <-- ايه طيب

واذا جت مرته جنبه يقفل الماسنجر شعاره : يازين حياة العزوبيه

النك نيم حقه : المهموم - الجريح - المهاجر .. يحب يسمع الكلام العاطفي واغاني عبدالحليم ومزاجه متقلب مره

يضحك ومره يصيح ومره يبيعها وينام عالكيبورد

============================================

بليز تماسيح

بدون زعل

منقول

**بنت الدلع كله** · 30-08-2007, 01:53 PM

يعطيك الف عافيه اختي ورده بس الغريب ان ما في احد علق خاص البنات >>>>لان فيهم لقافه غريبه عجيبه بس طبعا انا مو منهم بس والله جد يهتمون بهالاشياء

بس والله انه شي واكثر واحد يزجني المصلحجي وبصراحه اكثرهم مصلحجين

تقبلي مروري بنت الدلع كله

**بدر المنتدى** · 30-08-2007, 03:03 PM

ههههههههههههههههههههههههههههههه

وانا اقوول ياجماعة من اللي يتلصص علي

والله موضوع فله

يسلمو وردة

ولايزعل غير الخبل

**وردة الرياض** · 30-08-2007, 04:58 PM

هههههههههه
مشكورين على المرور
ههههههههه والله حلوه ههههههه

**ـ الفــارسـ ـ** · 01-09-2007, 03:56 AM

خخخخخخخخخـ مشكووورة وردة الرياض

**7Mo0o0o0oD** · 02-09-2007, 03:02 AM

مشكوووورررر اختي على الموضوع

تحياتي

**وردة الرياض** · 03-09-2007, 11:06 AM

لاشكر على واجب